İmam Zaman ağa (ə.f) buyurur: “Məlundur və nifrin olunmuşdur o kəs ki, sübh namazını bilərəkdən ulduzlar görünməz olana qədər təxirə salar”.
Hədisin şərhi.
Bu cümlələr Muhəmməd ibn Yəquba verilmiş cavab məktubundandır. İmam (ə.f) bu məktubda namazı əvvəl vaxtda qılmağa çox təkid edir və sübh namazını son zamanına qədər təxirə salanlara nifrin olmaq barədə xəbərdarlıq edir.
Bu hədisdən belə nəticə çıxartmaq olur ki, namazın üç vaxtı vardır:
1. Fəzilətli vaxtı. Namazı əvvəl vaxtda qılmaqdır. Namaz üçün ən yaxşı zamandır.
a). Bu, o vaxtdır ki, Allah namazı o vaxtda qılmağı əmr etmişdir və Allahın bu əmrinə əhəmiyyət verib, onu tez yerinə yetirmək – bəyənilən əməllərdəndir.
b). Namaz əslində məhdud və ehtiyaclı olan biri varlığın məhdud olmayan Allahla rabitəsi və Ondan bəhrələnməsidir. Bu, əslində insanın xeyirinədir. Ona görə də nə qədər tez olarsa, bir o qədər yaxşıdır.
İmam Zaman ağanın (ə.f) namazını əvvəl vaxtda qılar və hər kim namazını Həzrət (ə.f) kimi vaxtında qılarsa, onun namazının bərəkətinə görə öz namazı da qəbul olar.
2. Namazın son vaxtı. Hədislər bu zamanı “Ğufranallah” adlandırırlar. Namazı son vaxtına qədər təxirə salmaq məzəmmət olunmuşdur. İmam Zaman ağa (ə.f) belə bir şəxsi məlun adlandırır və bu insan İlahi rəhmətdən uzaq olar. İmam Sadiq (ə) buyurur: “Namazı əvvəl vaxtda yerinə yetirmək Allahın razılığına səbəb olar, onu son vaxtında yerinə yetirmək – günahdır, ancaq Allah tərəfindən bağışlanılır”.
3. Vaxtından xaricdə. Namazı vaxtından xaricdə yerinə yetirməyi qəza adlandırırlar. Əgər insan namazını vaxtında qılmazsa, namazı qəza olar. Gərək bu qəzanı yerinə yetirsin. Əgər kimsə namazını bilərəkdən təxirə salarsa, günah etmiş olar, gərək tövbə etsin. Yox, əgər bilməyərəkdən olubdursa – qüsur işlətməmiş olar və Allah onu cəzalandırmaz, ancaq gərək qəzanı yerinə yetirsin.//Deyerler.org
