Ramazan ayının 19-cu gecəsi Bakıda “Hacı Cavad” məscidində 1-ci Qədr gecəsi kimi böyük şövqlə yadda qalıb.
Əvvəlcə camaatla birlikdə şam və xiftən namazları qılınıb. Məclis Quran qarisi Hacı Ruslan Qasımovun Qurani-Kərim tilavəti ilə başlanıb.
Məscidin axundu, ilahiyyatçı alim Hacı Əhliman Rüstəmov geniş moizə edib, Qədr gecələrinin əhəmiyyətindən, bu gecənin fəziləti, nəql olunan hədislər barədə məlumat verib.
Quranı baş üzərində tutmaqla Allahın, Peyğəmbərin (s) və imamların adlarına and verməklə günahların bağışlanması istənilib. “Cövşən-kəbir” duası oxunub.
Sonda məscidə gələnlərə imsak verilib. Mərasim sübh namazının camaatla qılınması ilə başa çatıb.
www.ahliman.info
