Özünə ətir vuran və bir neçə kişinin yanından onun ətrini duyduqları halda keçən qadın zinakardır

Dinimizdə ətirdən istifadə etmək bəyənilən işdir. Amma bu iş kişi və qadında fərq edir. İslam dini qadının naməhrəm içinə ətirlənib çıxmasına icazə vermir.

 
Həzrət Peyğəmbərimiz (s) buyurmuşdur: “Xoş ətir qəlbi (ya ruhiyyəni) gücləndirər və cinsi qüvvəni artırar.” [1]

Həzrət yenə buyurur: “Allaha xatir özünə ətir vuran şəxs qiyamət günü tünd iyli müşkdən də ətirli olar. Allahdan qeyrisinə görə özünə ətir vuran şəxs qiyamət günü murdardan da üfunətli iy verər.”[2]

 

Ənəs ibn Malik nəql edir: “Allahın Peyğəmbəri (s) bir ətir veriləndə onu geri qaytarmazdı.”[3]

 

İmam Əli (ə) buyurub: “Xoş ətir müalicə edəndir.” [4]

 

İmam Sadiq (ə) buyurur:

 “Ətir vurmaq peyğəmbərlərin sünnələrindən­dir.“[5]

” Allahın Rəsulu (s) ətirə, yeməkdən daha çox xərc çəkərdi.” [6]

“Günün əvvəlində özünə ətir vuran şəxsin ağlı gecəyədək özündə olar.”[7]

 

İmam Kazim (ə) buyurub: “Yaxşı olardı ki, kişi hər gün xoş ətirdən istifadə etsin. Əgər hər gün bacarmasa, günaşırı ətir vursun və buna da imkanı çatmasa, cümə günləri onu tərk etməsin.”[8]

 

İmam Rza (ə) buyurub: “Ətir vurmaq peyğəmbərlərin əxlaqındandır.”[9]

 

Həzrət Məhəmməd (s) Peyğəmbərimiz qadınların ətirlənməsi haqqında buyurub:

“Qadın ətrinin rəngi aşkar, iyi isə gizlidir. Kişi ətrinin iyi aşkar və rəngi gizlindir.”[10]

“Özünə ətir vuran və bir neçə kişinin yanından onun ətrini duyduqları halda keçən qadın zinakardır.”[11]

 

www.ahliman.info

[1] əl-Kafi, c.6, səh.510, hədis 3

[2] Muhəctul-Beyza, c.8, hədis 105

[3] Sunəni-Nəsai, c.8, hədis 189

[4] Nəhcül-Bəlağə, hikmət 400

[5] əl-Kafi, c.6, səh.510, hədis2

[6] əl-Kafi, c.6, səh.512, hədis18

[7] əl-Kafi, c.6, səh.510hədis7

[8] əl-Kafi, c.6, səh.510, hədis4

[9] əl-Kafi, c.6, səh.510, hədis1

[10] əl-Kafi, c.6, səh.512, hədis17

[11] Sunəni-Nəsai, c.8, səh.153