Əgər kamala çatmağımızı istəyiriksə, gərək Allahı sevək. Əgər Allahı seviriksə, gərək nəbisini və vəsisini də sevək. Əks halda ya özümüzün dostu deyilik, ya da feyz Əta edənin dostu deyilik.
Deməli, səadət yolu Allahı yada salıb sevməkdən keçir. Özünü tərbiyə edib Allah yoluna qədəm qoyan ariflərdən biri bizlərə gözəl nəsihətlər verir ki, əgər qulaq versək faydamıza olar.
Ayətullah Behcətin 6 nəsihətinə diqqət edək.
1. Nəsihət cüzi şeylərə görə verilər, moizə daha ümumi. Bir-birini tanımayan insanlar bir-birinə nəsihət verə bilməz.
2. Hər kim bildiyinə əməl edərsə, Allah ona bilmədiyi elmi öyrədər. Hər kim bildiyinə əməl edərsə, bilmədiyinə kifayət edər. O kəslər ki, Allah yolunda cihad edərlər, Allah onları öz yoluna hidayət edər. Bildiklərinizə əməl edin, bilmədiklərinizə görə ehtiyat edin, o zamana qədər ki, aydın olar. Əgər aydın olarsa, bilin ki, bəzi məlumatları ayaq altında qoymusunuz. Çünki moizədə mütləq eşitmisiniz və bilirsiniz, ancaq əməl etməmisiniz. Əks halda aydın olardı.
3. Hamı yaxşı bilir ki, risaləni oxumalı, başa düşüb ona əməl etməlidir. Halal və haramı onunla ayırmalıdır.
4. O kəslərə ki, əqidəniz vardır – onların əməllərinə nəzər salın. O şeyi ki, edirlər – siz də ixtiyari olaraq edin. O şeyi ki, etmirlər, ixtiyari olaraq siz də etməyin. Bu, ali məqsədlərə çatmağın ən yaxşı yoludur. Əməli moizə söz moizəsindən daha təsirlidir.
5. Hər gün Quran və dua oxumaq, məscidə gedib-gəlmək, alimlərin məclislərində əyləşmək insanın günü-gündən bəsirətini artırar və ibadətə yaxınlaşdırar. Əksinə, qəflət əhli ilə yoldaş olmaq qəlbi qəsavətli edər və ibadətdən çəkindirər.
6. Bədihiyyatdır ki, etiqad və əməldə günahı tərk etmək insanı başqasından ehtiyacsız edər. Yəni, qeyrisi ona möhtacdır, ancaq o, qeyrisinə möhtac deyildir. Həsənələr yaradar və pislikləri uzaqlaşdırar. Günah, sahibi üçün susuz insanın içdiyi zəhər kimidir. Ya ac insanın yediyi meytə kimidir. Əgər bu yol axıra qədər çətin olsaydı, asanlıq və rəğbətlə sonlanmasaydı, Mehriban və Qadir Xaliq tərəfindən təşviq edilməzdi. “Mənim uğurum yalnız Allahın köməyi ilədir. Ona təvəkkül etdim və Ona tərəf qayıdacağam”. (“Hud” 88).
