Məhəmməd peyğəmbərin (s) qızı Fatimeyi-Zəhranın (s.ə) şəhid edilən günü ilə bağlı Bakının müxtəlif yerlərində anım mərasimləri keçirilir.
Belə mərasimlərdən biri də Bakının “Hacı Cavad” məscidində keçirilib.
Məclis Qurani-kərimin oxunması ilə başlayıb. Məclisdə çıxış edən məscidin axundu ilahiyyatçı-alim Hacı Əhliman Rüstəmov bu gün münasibəti ilə dünya müsəlmanlarına, o cümlədən Azərbaycan xalqına başsağlığı verib.
Bildirib ki, Fatimeyi-Zəhra (s.ə) İslam dinində ideal qadın və həyatda xoşbəxtliyi axtaran hər bir qadın üçün ən gözəl nümunə hesab olunur.
Qeyd olunub ki, Xanım Zəhranın (s.ə) şəhadəti Pəyğəmbərdən (s) sonra İslam dünyasında ən böyük itki idi. Tarixə nəzər etsək görərik ki, Xanım Zəhranın (s.ə ) başına müsibətlərin gəlməsi məhz imamət və vilayətin müdafiəsinə görə idi.
www.ahliman.info
