Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
15 Yanvar 15:31
Şərh Yoxdur
971

Ayətullah Cavadi Amuli: “Ən böyük təhlükə insanın abrının getməsidir”

Ayətullah Cavadi Amuli buyurur: Əgər bir kəs dünyada rüsvay olsa, heç kəsin onu görməməsi üçün divarın, ya ağacın arxasında, dərədə, ya dağın ətəyində gizlənə bilər. Lakin Qiyamət günü Haqqın qarşısında həqiqət aşkar olduqda, daha gizlənməyə nə dərə olacaq, nə dağ.

Qurani-Kərimdə deyilir ki, Peyğəmbərdən (s) Allahın Qiyamət günü bu dağları nə edəcəyi barədə soruşurlar:

وَيَسْأَلُونَكَ عَنِ الْجِبَالِ فَقُلْ يَنْسِفُهَا رَبِّي نَسْفًافَيَذَرُهَا قَاعًا صَفْصَفًا لَا تَرَىٰ فِيهَا عِوَجًا وَلَا أَمْتًا

“Səndən dağlar barəsində soruşurlar. De: «Rəbbim onları küləyə verəcəkdir». Beləliklə, bunu hamar, dümdüz və bomboş hala salacaqdır. Belə ki, onda heç bir hündür-alçaqlıq görməzsən”.[1]

 

Yəni o zaman gizlənmək üçün dağ, təpə qalmayacaq. Məhşər əhlinin də gözü iti olar, istədikləri yeri görərlər:

فَبَصَرُكَ الْيَوْمَ حَدِيدٌ

“Bu gün gözün iti görür”.[2]

 

Utanan insan özünü necə gizlədə bilər? Ömrünü şər-böhtanla başa vurmuş kəs, sirr pərdələri götürülən zaman başqalarının qarşısında nə edəcək? Deməli ən böyük təhlükə insanın abrının getməsidir.

Allah-Təala Peyğəmbər (s) və möminləri tərif edərkən buyurur:

يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ

“Elə bir gündə Allah, Peyğəmbəri və onunla birgə iman gətirənləri xar etməz. Onların nuru qəbirdən önlərində və sağ tərəflərində hərəkət etməkdədir. Deyərlər: «Ey Rəbbimiz, bizim nurumuzu tamam-kamal et və bizi bağışla. Sən hər şeyə qadirsən!”[3]

 

Qiyamət elə bir gündür ki, Allah Peyğəmbərin (s) və onun ardıcılların abrını qoruyar. Burada məlum  Allah Peyğəmbərin (s) əzəmətini bəyan edərək buyurur ki, o gün Peyğəmbər (s) və möminlərin abrı qorunar. Allah onları xar etməz. Başqalarının abrı isə aradan gedər.

Görəsən bizim zahirimizdə olan batinimizdə də vardırmı? Yoxsa zahirdə etmədiklərimizi xəlvətdə edirik? Haqqımızda zahirlə batinin bir ölma gücü var? O gün rüsvayçılıq günü olacaq. Bundan pis nə olə bilər? İnsan yanmağa dözər, əzaba səbr edər, lakin abrının getməsinə bir an qatlana bilməz. Ona görə də Qiyamət əzabından söz düşəndə ağıl sahibləri deyərlər:

رَبَّنَا إِنَّكَ مَنْ تُدْخِلِ النَّارَ فَقَدْ أَخْزَيْتَهُ

“Ey Rəbbimiz! Şübhəsiz, Sən oda daxil etdiyin hər bir kəsi, mütləq xar və rusvay etmisən”.[4]

Cəhənnəmdə yanmaq ağır olsa də abrın getməsi də çox mühüm məsələdir.

 

www.ahliman.info

[1] «Taha» surəsi, ayə 105-107.

[2] «Qaf» surəsi, ayə 22.

[3] «Təhrim» surəsi, ayə  8.

[4] «Ali-İmran» surəsi, ayə 192.

Digər “Mənəviyyat ” Xəbərləri

İnsanın təyəmmüm niyyəti ilə əllərini yerə vurub tozlu halda üzünə çəkməsi onu niyə pak edir?

Ayətullah Cavadi Amuli buyurur: Təharət ibadətin hikməti və sirridir. Burada məqsəd zahiri təharət deyil. Əgər Allah-Təala dəstəmaz barədə “pak olun” deyirsə, insan... Davamı..

“Elm, əxlaq olmadan tədris edilərsə, cəmiyyətdə çox sayda problemlər meydana çıxar” – Ayətullah Məkarim Şirazi

Ayətullah Məkarim Şirazi buyurur: “İslam dinində elm və biliyə aid çox sayda hədislər mövcuddur. Ailə və valideynlər hər bir insan üçün ilk... Davamı..

Bu gecə “arzular gecəsi”dir. Bu gecənin namazı var

Rəcab ayının ilk cüməsinin gecəsi (yəni Rəcəbin ilk cümə axşamından ilk cüməsinə keçən gecə) “leylətul-rəğaib” yəni “arzular gecəsi” adlanır. Bu gecəni ibadət və dualarla keçirmək... Davamı..

Bu gecə mübarək Rəcəb ayı daxil oldu. Rəcəb ayının əməlləri və zikrləri

Həzrət Ayətullah Üzma Seyyid Əli Hüseyni Xamenei cənablarının dəftərxanasının rəsmi saytının verdiyi məlumata görə, sabah, Yanvar ayının 23-ü, mübarək Rəcəb ayının  1-i... Davamı..

Biz Əhli-beytə (ə) niyə təvəssül edirik?

“Təvəssül” sözü “vəsələ” sözündən götürülmüşdür və yaxınlaşmaq mənasını verir. Bu gün təvəssül sözü bizim Əhli-beytə (ə) münasibətdə etdiyimiz xüsusi əmələ şamil edilir.... Davamı..

Ustad Fatimi Niya: “Əhlibeyt (ə) “eşq” kəlməsindən çox az istifadə edib”

Mərhum Ustad Abdullah Fatimi Niya buyurur: Öz mütaliələrimdə şahidi olduğum məsələlərdən biri də bundan ibarətdir ki, Əhlibeyt (ə) “eşq” kəlməsindən çox az... Davamı..

İmam Sadiq (ə): “Qəlbin rаhаtlığını ахtаrdım və оnu mаlın, sərvətin аzlığındа tаpdım”

Qurani Kərim: “Qızıl-gümüşü хəzinə tоplаyıb оnu Аllаh yоlundа sərf еtməyənlərə аğrılı bir əzаbdаn хəbər vеr.”   Həzrət Muhəmməd (s) buyurub: “Mən sizinçün... Davamı..

İmаm Səccаd (ə): “Mаldаn fаydаlаnmаq, sərmаyəni işə qоymаq kаmil mərdlikdir.”

Qurani Kərim: “Vаr-dövlət və övlаdlаr, dünyа həyаtının zivərləridir. Əbədi qаlаn yахşı əməllər, Rəbbinin yаnındа yахşı və еləcə də ümid bахımındаn dаhа хеyirlidir.”... Davamı..