Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
11 Sentyabr 15:00
Şərh Yoxdur
2658

Nə üçün həzrət Qaimin (ə.f) adı çəkilərkən şiələr ayağa qalxır?

Şiələr arasında adi və qəbul olunmuş əməllərdən biri budur ki, haradasa “Qaim” adı çəkilərkən məclisdə iştirak edənlər ayağa qalxır. Halbuki bu termin işlənərkən ayağa qalmağın vacib olması haqqında konkret bir dəlil yoxdur, amma bu qədər demək olar ki, bu məsələ xalq arasında müstəhəb bir əməl kimi dini köklərə malikdir və əslində, İmama (ə.f) qarşı nəzakət və hörmət əlamətidir.

Belə nəql olunur ki, Xorasanda İmam Rzanın (ə) hüzu­runda “Qaim” sözü deyildi, o Həzrət (ə) ayağa qalxaraq əlini başının üstünə qoydu və buyurdu:

«اللهم عجل فرجه و سهل مخرجه» (Allahım, İmam Məhdinin (ə.f) zühurunu tezləşdir və onun hərəkatının yolunu asanlaşdır.)[1]

Başqa bir hədisdən belə anlaşılır ki, bu rəftar İmam Sadiqin (ə) dövründə də olmuşdur. İmam Sadiqdən (ə) sual olundu: “Qaim” sözü deyilərkən ayağa qalxmağın səbəbi nədir?” İmam (ə) buyurdu: “Sahibəz-zaman (ə.f) çox uzun müddətə qeybə çəkiləcək və dostlarına qarşı olan böyük lütf və istəklə əlaqədar olaraq hamı onu “Qaim” ləqəbi ilə – bu da onun ədalətli hökuməti ilə səciyyələndirilir və qürbətdə olmasından kədər ifadə olunur – yad edərsə, o Həzrət (ə.f) də həmin şəxsə lütf edər; bu halda İmamın (ə.f) diqqətini çəkməkdən ötrü hörmət əlaməti olaraq ayağa qalxmaq və Allahdan İmamın (ə.f) zühurunun tezləşdir­məsini xahiş etmək bəyəniləndir”.[2]

Əlbəttə, demək olar ki, bəzi hallarda bu əməl vacibdir. Misal üçün, o Həzrətin (ə.f) bu ləqəbi və ya başqa ləqəb­ləri bir məclisdə xatırlandıqda məclisin bütün iştirakçıları hörmət əlaməti olaraq ayağa qalxmalıdır. Bu vaxt kimsə yerindən üzrsüz qalxmazsa, bu əməl İmama (ə.f) qarşı təhqir və hörmətsizlik olardı və təbii ki, bu, haramdır.

Ayətullah Seyid Mahmud Taliqani deyir: “Bu ayağa qalxma göstərişi, bəlkə də, (yalnız) hörmət məqsədilə deyil, yoxsa Allah, Onun peyğəmbəri və digər müqəddəslər üçün də hörmət əlaməti olaraq ayağa qalxmaq gərəkdir, bu, qlobal hərəkat və bu həqiqəti dəstəkləmək məqsədilə cərgəyə durmaq üçün hazırlıq haqqında bir göstərişdir… Alçaqlıq və pislik rəmzi olan Əməvi sülaləsinin hakimiyyəti dövr­ündən başlayaraq səlib yürüşləri, monqol işğalı, müstəmləkə hökumətlərinin zülmü və basqılarınadək bu qədər təzyiq və faciə hər hansı bir xalqın başına gətirilirdisə, cəzasız qalırdı; lakin bizim dinimiz heç vaxt süqut etməyəcək, bir halda ki onun başçıları göstəriş verirlər ki, haqq İslam dövlətinin qurucusu olan İmam Məhdinin (ə.f) “Qaim” adı aşkar çəkildikdə ayağa qalxın və bütün göstərişləri yerinə yetirməyə hazır olduğunuzu bildirin, özünüzü həmişə güclü və qüdrətli göstərin”.[3]

 

www.ahliman.info

[1] Biharul-ənvar, Əllamə Məclisi, c.51, səh.30

[2] Əzzam-əl Nasib, Şeyx Hairi Yəzdi, c.1, səh.271

[3] Xorşid-e məğrib (Qərb günəşi), Məhəmmədrza Həkimi, səh.264

Digər “Əhli-Beyt ” Xəbərləri

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Bu gün hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə) mövlud... Davamı..

Ey Əbuzər, bil ki, Allaha ibadətin birinci mərhələsi Onu tanımaqdır

Həzrət (s) ibadətin mərhələlərini bəyan edərək buyurur: “Ey Əbuzər, bil ki, Allaha ibadətin birinci mərhələsi Onu tanımaqdır. O, hər şeydən əvvəldir. Ondan... Davamı..

Bu gün İmam Həsən Әsgərinin (ə) şəhadət günüdür

O, on birinci İmam və Əhli-Beyt (ə) davamçılarının rəhbəri idi. Varlığının həyat çırağı 28 il tufanlı burulğanlardan sonra söndü. İmam Həsən Əsgərinin... Davamı..

Bu gün həzrət imam Rzanın (ə) şəhadət günüdür

İmam Rzanın (ə) şəhadət hadisəsi səfər ayının sonuna təsadüf edir. İmam (ə) 203-cü hicri ilinin səfər ayının son günündə dünyasını dəyişmişdir. Şəhid... Davamı..

Bu gecə islam peyğəmbəri Həzrət Məhəmmədin (s) vəfatı, İmam Həsənin (ə) şəhadət günü daxil olur

 Hicri-qəməri tarixi ilə sabah Səfər ayının 28-i, İslam peyğəmbəri həzrət Məhəmmədin (s) vəfatının ildönümü və O həzrətin əziz nəvəsi İmam Həsənin (ə) şəhadət... Davamı..

Həzrət Muhəmməd (s) buyurub: “Cənnətə yаlnız təmiz şəхs gеdəcəkdir”

Əhli-Beyt əleyhimussalamın “təmizlik və paklıq” haqqında buyurduqlarından:   İmаm Əli (ə) buyurub: “Bаşqаlаrını nаrаhаt еdən хоşаgəlməz iydən özünüzü su ilə təmizləyin. Özünüzə... Davamı..

Həzrət Peyğəmbər (s) kimləri əfv etmirdi?

Hədislərimiz buyurur ki, kərim insanın ən üstün sifətlərindən biri də başqalarını bağışlamaq bacarığıdır. Qurani-Kərimdə buyurulur ki, hər kim bağışlamağı bacarar, Biz də... Davamı..

Həzrət Muhəmməd (s) buyurub: “Çirkli аdаmlаr məhv оlаr”

Həzrət Muhəmməd (s) Peyğəmbərimizin “təmizlik və paklıq” haqqında buyurduqlarından: “Аllаh pаkdır və pаk şəхsi sеvir, təmizdir və təmizliyi sеvir.” “Bu bədənləri təmizləyin,... Davamı..