Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
3 Fevral 11:05
Şərh Yoxdur
3254

Məsumlar (ə) “Vəd olunmuş Mehdi” haqqında buyurub (2-ci hissə)

Qeyd etmək lazımdır ki, İmam Məhdi (ə.f) və onun zühuruna dair Peyğəmbər (s) və məsum imamlar (ə) tərə­findən mötəbər faktlara söykənən çoxsaylı hədislər vardır ki, həqiqət axtaran insanlar üçün heç bir şəkk-şübhə buraxmır və burada həmin məsumların hədislərindən bir neçə misal çəkirik:

 

İmam Baqir (ə) buyurub: “Ruzigar dəyişdikdə və insanlar Qaimin (ə.f) öldüyünü və ya həlak olduğunu, yaxud hansı səhraya getdiyini deyər və onu məhv etmək istəyənlər belə söyləyərlər: “Sümükləri çürüyən insan necə zühur edə bilər?!” Siz onun zühur etməsinə ümidvar olun və onun zühur etdiyini eşitdikdə hətta qar üzərində sürünməklə belə olsa, ona doğru tələsin”.[1]

 

İmam Sadiq (ə) buyurub: “Peyğəmbərlərdə olan qeyb üsulu, əvvəlkilərin addımlarının arxasınca addım atmaq (bütün xüsusiyyətləri ilə) biz Əhli-beyt barəsində tətbiq edilir… və o, həmçinin oğlum Musanın övladıdır, o kəniz­lər xatununun oğludur, onun qeybə çəkilməsində düşmən qüvvələr şəkk-şübhəyə düşər, daha sonra Allah onu aşkara çıxarar. Məryəm oğlu İsa yer üzünə enər və onun arxa­sında namaz qılar və yer üzü sahibinin nuru ilə işıqlanar və bütün Yer üzündə Allahdan başqasına ibadət edilən yer qalmaz və müşriklər istəməsələr belə, hamının dini Allaha məxsus olar”.[2]

 

İmam Kazim (ə) buyurub: “Zülmə qərq olan yer üzünü Allahın düşmənlərindən təmizləyəcək və ədalətlə dolduracaq o Qaim (ə.f) mənim beşinci övladımdır, onu uzun qeyb dövrü gözləyir, çünki canını təhlükədə hiss edir. Və o zaman (qeyb dövründə) bir qrup insan dindən dönər və bəziləri isə sabitqədəm qalar. Nə bəxtiyardır o şiələrimiz ki, qeyb dövründə imamətə sadiq qalarlar, bizimlə dostluqda və düşmənlərimizə nifrət etməkdə sabit qalarlar, onlar bizdəndir və biz də onlardan, onlar bizim imamlığımıza razıdır və biz də onların şiəliyinə; deməli, onlar bəxtiyardırlar, Allaha and olsun ki, Qiyamət günü onlar bizimlə eyni dərəcədə olarlar”.[3]

 

İmam Rza (ə) buyurub: “Bizim sonuncu imamımız (Qaimimiz) zühur etdiyində qoca yaşında və (yaşı çox olsada) gənc simalı olan bir şəxsdir. Və o qədər güclüdür ki, yer üzündəki ən böyük ağaca əl atdığında onu gövdə­sindən qoparar və dağlar arasında fəryad etdikdə qayalar parçalanar, o, Musa peyğəmbərin əsasını və Süleyman peyğəmbərin üzüyünü daşıyır. O, mənim övladlarımdan dördüncüsüdür, Allah istədiyi kimi onu öz örtük və pərdəsində gizlədər, daha sonra aşkara çıxarar və yer üzünü onun vasitəsilə ədalətə qərq edər”.[4]

 

İmam Cavad (ə) buyurub: “Bizim sonuncu imamımız Məhdidir (ə.f). O, həmin şəxsdir ki, qeyb dövründə zühu­runu gözləmək və zühur etdiyi vaxt ona itaət etmək vacibdir və o, mənim övladlarımdan üçüncüsüdür. Muhəmmədi (s)  peyğəmbər göndərən və bizi imam seçən Allaha and olsun ki, dünya həyatından yalnız bir gün qalmış olsa belə, Allah həmin günü o qədər uzun edər ki, bizim Qaimimiz (ə.f) zühur edər, gəlişi ilə yer üzündə ədaləti bərqə­rar edər”.[5]

 

Əbdüləzim Həsəni İmam Hadidən (ə) soruşdu: “Sizdən sonra mənim mövlam kimdir?” O Həzrət (ə) buyurdu: “Məndən sonra imam oğlum Həsəndir, ondan sonra insanlar onun davamçısına qarşı necə münasibət bəsləyəcəklər?” Həsəni soruşdu: “Nə üçün, ey mənim mövlam?” İmam (ə) buyurdu: “Çünki o, insanlara görünməyəcək və onu adı ilə çağırmaq haramdır, o vaxta qədər ki, zühur edəcək və dünyanı zülmdən xilas edərək ədalətə qərq edəcək”.[6]

 

İmam Həsən Əskəri (ə) buyurub: “Görürəm ki, siz insanlar məndən sonra mənim davamçımla bağlı fikiray­rılığına düşəcəksiniz. Xəbərdar olun! Peyğəmbərdən sonra imamlara inanan, lakin mənim övladımı inkar edən, sanki bütün peyğəmbərlərə inanmış, lakin sonuncu peyğəmbəri inkar etmişdir. Hər kim Muhəmməd (s) peyğəmbəri inkar edərsə, əslində, bütün peyğəmbərləri inkar etmişdir. Çünki bizim sonuncumuza itaət etmək onlardan birincisinə itaət etmək kimidir və bizlərdən birinci məsumu inkar edən sonuncu imamımızı da inkar etmişdir”.[7]

 

www.ahliman.info

[1] Kəmalüddin və Təmam ən-Nemə, Şeyx Səduq, səh.326

[2] Eyni mənbə, səh.345

[3] Eyni mənbə, səh.361

[4] Kəmalüddin və Təmam ən-Nemə, Şeyx Səduq, səh.376

[5] Kəmalüddin və Təmam ən-Nemə, Şeyx Səduq, səh.377

[6] Eyni mənbə, səh.380

[7] Vəd edilmiş Məhdi, müəllif və tərcüməçi: Əli Dəvani, səh.391

Digər “Əhli-Beyt ” Xəbərləri

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Bu gün hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə) mövlud... Davamı..

Ey Əbuzər, bil ki, Allaha ibadətin birinci mərhələsi Onu tanımaqdır

Həzrət (s) ibadətin mərhələlərini bəyan edərək buyurur: “Ey Əbuzər, bil ki, Allaha ibadətin birinci mərhələsi Onu tanımaqdır. O, hər şeydən əvvəldir. Ondan... Davamı..

Bu gün İmam Həsən Әsgərinin (ə) şəhadət günüdür

O, on birinci İmam və Əhli-Beyt (ə) davamçılarının rəhbəri idi. Varlığının həyat çırağı 28 il tufanlı burulğanlardan sonra söndü. İmam Həsən Əsgərinin... Davamı..

Bu gün həzrət imam Rzanın (ə) şəhadət günüdür

İmam Rzanın (ə) şəhadət hadisəsi səfər ayının sonuna təsadüf edir. İmam (ə) 203-cü hicri ilinin səfər ayının son günündə dünyasını dəyişmişdir. Şəhid... Davamı..

Bu gecə islam peyğəmbəri Həzrət Məhəmmədin (s) vəfatı, İmam Həsənin (ə) şəhadət günü daxil olur

 Hicri-qəməri tarixi ilə sabah Səfər ayının 28-i, İslam peyğəmbəri həzrət Məhəmmədin (s) vəfatının ildönümü və O həzrətin əziz nəvəsi İmam Həsənin (ə) şəhadət... Davamı..

Həzrət Muhəmməd (s) buyurub: “Cənnətə yаlnız təmiz şəхs gеdəcəkdir”

Əhli-Beyt əleyhimussalamın “təmizlik və paklıq” haqqında buyurduqlarından:   İmаm Əli (ə) buyurub: “Bаşqаlаrını nаrаhаt еdən хоşаgəlməz iydən özünüzü su ilə təmizləyin. Özünüzə... Davamı..

Həzrət Peyğəmbər (s) kimləri əfv etmirdi?

Hədislərimiz buyurur ki, kərim insanın ən üstün sifətlərindən biri də başqalarını bağışlamaq bacarığıdır. Qurani-Kərimdə buyurulur ki, hər kim bağışlamağı bacarar, Biz də... Davamı..

Həzrət Muhəmməd (s) buyurub: “Çirkli аdаmlаr məhv оlаr”

Həzrət Muhəmməd (s) Peyğəmbərimizin “təmizlik və paklıq” haqqında buyurduqlarından: “Аllаh pаkdır və pаk şəхsi sеvir, təmizdir və təmizliyi sеvir.” “Bu bədənləri təmizləyin,... Davamı..