Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
8 Yanvar 13:36
Şərh Yoxdur
2307

Məsumlar (ə) “Vəd olunmuş Mehdi” haqqında buyurub (1-ci hissə)

Qeyd etmək lazımdır ki, İmam Məhdi (ə.f) və onun zühuruna dair Peyğəmbər (s) və məsum imamlar (ə) tərə­findən mötəbər faktlara söykənən çoxsaylı hədislər vardır ki, həqiqət axtaran insanlar üçün heç bir şəkk-şübhə buraxmır və burada həmin məsumların hədislərindən bir neçə misal çəkirik:

 

Peyğəmbərimiz (s) buyurub: “Məhdi mənim övladlarım­dandır, onun adı mənim adımdır (Muhəmməd), ləqəbi mənim ləqəbimdir (ƏbülQasim), əxlaq və yaradılış baxımından insanlar arasında mənə ən çox oxşayandır. O, qeybə çəki­ləcək ki, həmin dövrdə çox sayda insan yollarını azacaq, bu zaman meteorit kimi gələrək zülmlə dolmuş yer üzündə ədaləti bərqərar edəcək”.[1]

 

Əmirəl-möminin Əli (ə) buyurub: “Bizim Qaimimiz (İmam Məhdi ə.f) uzun müddət qeybə çəkiləcək, şiələri elə görürük ki, onu tapmaq üçün düzənliyi və səhranı axtarır, lakin tapmırlar; bilin ki, onun qeyb dövründə öz dinində sabit­qədəm qalanlar və bu dövr ərzində onu inkar etməyənlər Qiyamət günü mənimlə bərabər olacaqlar”. Sonra o Həzrət (ə) buyurdu: “Məhdi (ə.f) zühur etdikdə heç kəsin beyəti onun üzərində olmaz. Buna görə də onun dünyaya gəlişi namə­lum qalacaq və o, gözlərdən uzaq olacaq”.[2]

 

Cabir İbn Abdullahdan nəql olunur: “Mən Həzrət Fatimənin (s.ə) hüzuruna gəldim, onun qarşısında imam­ların (ə) adlarının qeyd olunduğu bir siyahı gördüm. Saydım, 12 ad gördüm ki, sonuncusu Qaim (Məhdi ə.f) idi və onlardan üçünün adı Muhəmməd, dörd nəfərinin adı isə Əli idi”.[3]

 

İmam Həsən (ə) buyurmuşdur: “Bilmirsiniz ki, İmam Zaman (ə.f) istisna olmaqla, bütün imamların haqqı  dövrü­nün zalım rəhbəri tərəfindən tapdalanıb (yəni imamət və xilafət bizim haqqımız olduğu halda, zülmkarcasına və qəsbkarcasına bu haqq əlimizdən alınıb). O, zühur etdikdə İsa peyğəmbər arxasında namaz qılar və Allah onun dün­yaya gəlişini gizli saxlayar və vücudunu zühur edənədək qeybə çəkər, heç kəsin beyəti onun üzərində qalmaz və o, qardaşım Hüseynin (ə) doqquzuncu  övladıdır,  Allah qeyb dövründə onun ömrünü uzadar, sonra öz qüdrəti ilə 40 yaşdan daha gənc simada aşkar edər ki, Allahın hər şeyə qadir olduğunu bilsinlər”. [4]

 

İmam Hüseyn (ə) buyurmuşdur: “Mənim doqquzuncu övladımda Həzrət Yusufa (ə) aid bir xüsusiyyət və  Həzrət Musaya (ə) aid bir xüsusiyyət var və o, biz Əhli-beytin Qaimidir (Məhdisidir) ki, Allah onun işini bir gecədə islah edər”. [5]

 

İmam Səccad (ə) buyurub: “Bizim Qaimimizdə (ə.f) peyğəmbərlərə – Adəm, Nuh, İbrahim, Musa, İsa, Əyyub (ə) və Muhəmmədə (s) – xas bir neçə xüsusiyyət var: Adəm və Nuhdan (ə) – uzun ömür, İbrahimdən (ə) – gizli dünyaya gəlmə,  Musadan (ə) – can təhlükəsi və qeybə çəkilmə,  İsadan (ə) – insanlar arasında ondan sonra fikirayrılığının olmasıdır (Necə ki Həzrət İsa (ə) göyə qalxdıqdan sonra bəziləri onun öldüyünü, bəziləri isə çarmıxa çəkildiyini və sairəni iddia edirdilər) və amma Əyyubdan (ə) – imtahan­dan sonra asanlıq, Muhəmməd (s) peyğəmbərdən isə qılıncla çıxmaqdır”.[6]

 

www.ahliman.info

[1] Kəmalüddin və Təmam ən-Nemə, Şeyx Səduq, səh.287

[2] Eyni mənbə, səh.303

[3] Kəmalüddin və Təmam ən-Nemə, Şeyx Səduq, səh.307

[4] İsbatul-huda, Şeyx Hürr Amuli, c.5, səh.155

[5] Kəmalüddin və Təmam ən-Nemə, Şeyx Səduq, səh.317

[6] Eyni mənbə, səh.322

Digər “Əhli-Beyt ” Xəbərləri

Sabah Xanım Zeynəbin (s.ə) mövlud günüdür

Bu gecə  İslam Peyğəmbərinin (s) nəvəsi, Kərbəla həqiqətlərini dünyaya çatdıran, Kərbəla səhnəsinin misilsiz qadın qəhrəmanı Həzrət xanım Zeynəbin (s.ə) mövlud günü daxil... Davamı..

İmam Məhdi (ə.f): Anamız Fatiməni ziyarət etmək istəsəniz, gedin Xanım Məsumənin qəbrini ziyarət edin!

Deyirlər ki, Ayətullahil-üzma Mərəşi Nəcəfinin atası qırx gün müddətində Səhlə və Küfə məscidlərində İmam Zamana (ə.f) təvəssül etmiş və sonda məqsədinə nail... Davamı..

İmam Zaman ağaya (ə.f) niyə Bəqiyyətullah deyilir?

Quran buyurur: “Əgər imanınız olsa, (başqasının haqqını verdikdən sonra) Allahın sizin üçün saxladığı şey daha xeyirlidir və mən sizə məmur və gözətçi... Davamı..

Bu gün həzrət Məsumənin (s.ə) vəfat günüdür

Bu gün Xanım Məsumənin vəfatı günüdür. Məsumə adı ilə məşhur olan kəramətli xanım İmam Kazımın (ə) qızıdır. Həmçinin İmam Rzanın (ə) bacısıdır. Bəzi mənbələrdə... Davamı..

Bu gün İmam Həsən Əsgərinin (ə) mövlud günüdür

İmam Həsən Əsgəri (ə) Məsum İmamların (ə) on birinci ulduzudur ki, 232-ci Hicri ilində rəbius-sani ayının 8-də  dünyaya gəlmiş və 260-cı hicri... Davamı..

Peyğəmbərimiz (s): “Mən Allahdan istəmişəm ki, dostlarımın ruzisini ehtiyacları qədər qərar versin”

“Ey Əbuzər! Mən Allahdan istəmişəm ki, dostlarımın ruzisini ehtiyacları qədər qərar versin, amma düşmənlərimin mal və övladlarını çox etsin”. İşarə edildiyi kimi,... Davamı..

Ustad Fatimi Niya: “Kim İmam Zamanı unudarsa, həmin şəxsə mütləq xəsarət dəyər”

Mərhum Ustad Abdullah Fatimi Niya buyurur: Həzrət İmam Zaman ağa (ə.f) Allahın izni ilə bu aləmin sahibidir, bizim nemətlərin də sahibidir. O, bu... Davamı..

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Oktyabr ayının 14-ü hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə)... Davamı..