Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
24 İyun 09:00
Şərh Yoxdur
5246

İmam Zaman ağanın (ə.f) qarşısındakı vəzifələrimiz

İmam Zaman ağanı (ə.f) tanıyandan sonra onun intizarında olanların ilk vəzifəsi budur ki, Həzrəti (ə.f) yada salmağı unutmasınlar.

Zikr – yada salmaq deməkdir. Yəni, o şeyi ki, insan tanıyır, insan onu yada salır. Zikr iki cürdür: biri ürək zikridir və biri də dil zikridir. Ona görə də deyə bilərik ki, zikr – yada salmaqdır, istər dillə olsun, istərsə də ürəklə.

Allah Təala Quranda buyurur: “Buna görə də, Məni yada salın ki, Mən də sizi yada salım. Mənə şükür edin və küfr və nemətlərimə nankorluq etməyin”. (“Bəqərə” 152).

Bu ayə bizə buyurur ki, əgər siz Allahı yada salsanız, Allah da öz rəhmət və məğfirəti ilə sizi yada salacaqdır. Allah Təala buyurur ki, Məni yada salın ki, ruhunuz və canınız paklaşsın, təmizlənsin. İlahi rəhmətə hazır vəziyyətdə olsun. Sizin Allaha diqqət etməyiniz sizi hər bir işdə daha güclü və daha əzmli edər.

İmam Sadiq (ə) buyurur: “Əl dəyilməmiş (təhrif olunmamış) Tövratda yazılmışdır ki, Musa (ə) Allaha sual verir və deyir: “Pərvərdigara! Sən mənə yaxınsansa, Səninlə yavaşca dərdləşim, uzaqsansa, Səni çağırım?”. Allah Təala ona vəhy edir: “Ey Musa! Mən o kəsin yoldaşıyam ki, Məni yada salar””.

Allahı yada salaraq, Onun sevimli bəndəsi ola bilərik. Hər kim Allahı yada salar, ürəyi rahatlanar və hüzur tapar. “Bilin! Qəlblər yalnız Allahı yada salmaqla rahatlıq tapır”. (“Rəd” 28).

İmam Zaman ağa (ə.f) – Allahın yer üzərindəki hüccətidir. O, kamil insandır, Allahın yer üzərindəki xəlifəsidir. İmamda (ə.f) Allahın sifətləri vardır. Ona görə də hər kim onu yada salar, İmam (ə.f) da onu yada salar. Hər kimi ki, İmam (ə.f) yada salar, Allahın xüsusi vilayətinə yol tapmış olar. Bu vilayət bərəkətə səbəb olar.

Necə ki, hər kim Allahı yada salar, Onun yoldaşı olar, eləcə də hər kim İmamı (ə.f) yada salar, İmamın (ə.f) yaxın dostlarından və davamçılarından olar.

İmam Məhdi (ə.f) buyurur: “Biz sizə qarşı səhlankarlıq etmirik, sizi yadımızdan aparmırıq. Əgər belə olsaydı, hər tərəfdən giriftarlıq sizi əhatə edərdi. Düşmənlər sizi aradan aparardı”.

Lakin o kəs ki, İmamla (ə.f) xüsusi rabitə qurmaq istəyindədir, çalışacaqdır ki, İmamı (ə.f) bir an belə unutmasın. Allahın hüccətini yada salmaq və zikr etmək – onun xüsusi inayətindən bəhrələnməyin ən mühüm addımıdır. İntizarda olanların başqa bir vəzifəsi isə İmamın (ə.f) salamatlığı və fərəcin tezləşməsi üçün dua etməkdir. İmamı (ə.f) incitməmək üçün günahdan uzaq olmaq, saleh əməllər yerinə yetirmək, İmama (ə.f) xüsusi diqqət etməkdir.

Əlbəttə, bunu da yaddan çıxartmayaq ki, böyük Peyğəmbəri (s) yada salmaq da – İlahi zikrin bir nümunəsidir. Necə ki, İmam Baqir (ə) buyurur: “Həqiqətən, bizi yada salmaq – Allahı yada salmaqdır. Həqiqətən, əgər biz yada salınsaq, Allah yada salınar”.

Beləliklə, deyə bilərik ki, İmamı (ə.f) tanımaqla onu yada salmaq arasında sıx rabitə mövcuddur. Necə ki, Allahı yada salmaq ürəkləri paklaşdırar, Həzrət Məhdini (ə.f) yada salmaq də onun xüsusi inayətinə səbəb olar.

 

www.ahliman.info

Digər “Əhli-Beyt ” Xəbərləri

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Bu gün hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə) mövlud... Davamı..

Ey Əbuzər, bil ki, Allaha ibadətin birinci mərhələsi Onu tanımaqdır

Həzrət (s) ibadətin mərhələlərini bəyan edərək buyurur: “Ey Əbuzər, bil ki, Allaha ibadətin birinci mərhələsi Onu tanımaqdır. O, hər şeydən əvvəldir. Ondan... Davamı..

Bu gün İmam Həsən Әsgərinin (ə) şəhadət günüdür

O, on birinci İmam və Əhli-Beyt (ə) davamçılarının rəhbəri idi. Varlığının həyat çırağı 28 il tufanlı burulğanlardan sonra söndü. İmam Həsən Əsgərinin... Davamı..

Bu gün həzrət imam Rzanın (ə) şəhadət günüdür

İmam Rzanın (ə) şəhadət hadisəsi səfər ayının sonuna təsadüf edir. İmam (ə) 203-cü hicri ilinin səfər ayının son günündə dünyasını dəyişmişdir. Şəhid... Davamı..

Bu gecə islam peyğəmbəri Həzrət Məhəmmədin (s) vəfatı, İmam Həsənin (ə) şəhadət günü daxil olur

 Hicri-qəməri tarixi ilə sabah Səfər ayının 28-i, İslam peyğəmbəri həzrət Məhəmmədin (s) vəfatının ildönümü və O həzrətin əziz nəvəsi İmam Həsənin (ə) şəhadət... Davamı..

Həzrət Muhəmməd (s) buyurub: “Cənnətə yаlnız təmiz şəхs gеdəcəkdir”

Əhli-Beyt əleyhimussalamın “təmizlik və paklıq” haqqında buyurduqlarından:   İmаm Əli (ə) buyurub: “Bаşqаlаrını nаrаhаt еdən хоşаgəlməz iydən özünüzü su ilə təmizləyin. Özünüzə... Davamı..

Həzrət Peyğəmbər (s) kimləri əfv etmirdi?

Hədislərimiz buyurur ki, kərim insanın ən üstün sifətlərindən biri də başqalarını bağışlamaq bacarığıdır. Qurani-Kərimdə buyurulur ki, hər kim bağışlamağı bacarar, Biz də... Davamı..

Həzrət Muhəmməd (s) buyurub: “Çirkli аdаmlаr məhv оlаr”

Həzrət Muhəmməd (s) Peyğəmbərimizin “təmizlik və paklıq” haqqında buyurduqlarından: “Аllаh pаkdır və pаk şəхsi sеvir, təmizdir və təmizliyi sеvir.” “Bu bədənləri təmizləyin,... Davamı..