Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
20 Aprel 09:25
Şərh Yoxdur
26084

Qurani-Kərimdə İmam Mehdi (ə.f) haqqında 3 ayə

Həzrət Peğəmbər (s) buyurur: “Quranın zahiri və batini vardır”. Quranda elə ayələr vardır ki, İmam Zaman ağaya (ə.f) işarə edir, baxmayaraq ki, İmamın (ə.f) adını birbaşa çəkməsə belə. Bu ayələr ilə tanış olaq:

1. “Biz (isə) istədik ki, o yerdə (məmləkətdə)zəif salınmışlara mərhəmət göstərək və onları (camaata) imam, (yer üzünə) varis edək”. (“Qəsəs” 5).

Bu ayədə buyurulur ki, Allahın əzəli iradəsi belədir ki, insanlara hegemonluq edənlərin kökü kəsilməlidir və zəif salınmışlar, saleh bəndələr gərək Yer üzündə imam və varis olsunlar. Baxmayaraq ki, bu ayə Həzrət Musa (ə) və Bəni-İsrayil üçün nazil olmuşdur, ancaq bütün zamanlara aid edilir. Çünki hər bir əsrdə Allahın əzəli iradəsi zalımları məhv edib, zəifləri müdafiə etmək olmuşdur. Bu İlahi iradə istər Həzrət Musanın (ə) zamanında olsun, istərsə də Peyğəmbərin (s) – hər bir zamanda həyata keçmişdir və hər bir dövrə aid edilir.

İndiki zamanda isə bu iradə ancaq İmam Zaman ağanın (ə.f) mübarək varlığı ilə həyata keçə bilər. İmam Əli (ə) buyurur: “Bu dünya ki, indi bizdən üz döndərmişdir, bir gün bizə üz çevirəcəkdir, necə ki, ana dəvə əlaqəsinə görə övladına tərəf üz çevirər”. Sonra Həzrət (ə) bu ayəni tilavət edir (“Qəsəs” 5).

İbni Əbi Hədid bu xütbənin şərhində yazır: “Bu ayə mütləq Həzrət Zəhranın (s.ə) övladlarının biri tərəfindən həyata keçəcəkdir. Bütün Yer üzünə şamil olacaqdır. Bütün zalımları məhv edəcəkdir və salehlər yerin varisləri olacaqlar”.

2. “Həqiqətən Biz (Lövhi-Məhfuzdan sonra bütün səma kitablarında), Zikrdən (Musanın Tövratından) sonra (Davudun) Zəbur(un)da (və bu kitabların hamısından sonra Qur’anda) yazdıq və qərara aldıq ki, bu yerin varisi (sahibi, hakimi və bərəkətlərindən tam istifadə edən) Mənim saleh bəndələrim olacaqlar (və bunları qəsbkarların və zalım rəhbərlərin əlindən alıb ədalət imamları və onların canişinlərinə ötürəcəklər). (“Ənibya” 105).

Bu ayə buyurur ki, Zəburda Davud (ə) bu mövzunu yazmışdır, yenə də əvvəlki ayəyə işarə edir və Allahın əzəli iradəsinin həyata keçəcəyini bəyan edir. Buyurur ki, hər bir halda yerin varisləri Allahın saleh bəndələri olacaqlar. Bəs bu zaman nə vaxt olacaqdır? Davudun (ə) bəyan etdiyi ayə belədir: “Allahın yanında sakit ol və Onu gözlə. Ancaq müti insanlar yer üzündə varis olacaqlar”.

3. “Allah sizdən (müsəlmanlardan) iman gətirib yaxşı işlər görən kəslərə vəd etmişdir ki, onları mütləq özlərindən qabaq olmuşları (Nuhun, Hudun, Salehin və Yunusun qövmlərinin möminlərini) canişin etdiyi kimi yer üzündə (Öz)canişin(i) və hakim edəcək, onlar üçün bəyəndiyi dini (İslam dinini) mütləq, onlar üçün bərqərar edərək möhkəmləndirəcək və onların halını şübhəsiz, qorxu və vahimədən sonra əmin-amanlıq və xatircəmliklə əvəz edəcəkdir. Belə ki, yalnız Mənə ibadət etsinlər və heç nəyi Mənə şərik qoşmasınlar. Kim bundan (bu böyük nemətdən) sonra nankorluq etsə, belələri doğrudan da itaətsizdirlər”. (“Nur” 55). İbni Həcər Hisəmi bu ayənin təfsirində yazır ki, İmam Zaman ağanın (ə.f) haqqında nazil olmuşdur.

 

www.ahliman.info

Digər “Əhli-Beyt ” Xəbərləri

İmam Məhdi (ə.f): Anamız Fatiməni ziyarət etmək istəsəniz, gedin Xanım Məsumənin qəbrini ziyarət edin!

Deyirlər ki, Ayətullahil-üzma Mərəşi Nəcəfinin atası qırx gün müddətində Səhlə və Küfə məscidlərində İmam Zamana (ə.f) təvəssül etmiş və sonda məqsədinə nail... Davamı..

İmam Zaman ağaya (ə.f) niyə Bəqiyyətullah deyilir?

Quran buyurur: “Əgər imanınız olsa, (başqasının haqqını verdikdən sonra) Allahın sizin üçün saxladığı şey daha xeyirlidir və mən sizə məmur və gözətçi... Davamı..

Bu gün həzrət Məsumənin (s.ə) vəfat günüdür

Bu gün Xanım Məsumənin vəfatı günüdür. Məsumə adı ilə məşhur olan kəramətli xanım İmam Kazımın (ə) qızıdır. Həmçinin İmam Rzanın (ə) bacısıdır. Bəzi mənbələrdə... Davamı..

Bu gün İmam Həsən Əsgərinin (ə) mövlud günüdür

İmam Həsən Əsgəri (ə) Məsum İmamların (ə) on birinci ulduzudur ki, 232-ci Hicri ilində rəbius-sani ayının 8-də  dünyaya gəlmiş və 260-cı hicri... Davamı..

Peyğəmbərimiz (s): “Mən Allahdan istəmişəm ki, dostlarımın ruzisini ehtiyacları qədər qərar versin”

“Ey Əbuzər! Mən Allahdan istəmişəm ki, dostlarımın ruzisini ehtiyacları qədər qərar versin, amma düşmənlərimin mal və övladlarını çox etsin”. İşarə edildiyi kimi,... Davamı..

Ustad Fatimi Niya: “Kim İmam Zamanı unudarsa, həmin şəxsə mütləq xəsarət dəyər”

Mərhum Ustad Abdullah Fatimi Niya buyurur: Həzrət İmam Zaman ağa (ə.f) Allahın izni ilə bu aləmin sahibidir, bizim nemətlərin də sahibidir. O, bu... Davamı..

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Oktyabr ayının 14-ü hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə)... Davamı..

İmam Əli (ə) Cəmkəran məscidi barədə xəbər vermişdir

Şeyx Səduq Əmirəl-möminindən (ə) nəql edir ki, İmam (ə) Yəmaninin oğluna xitab edərək buyurur: “Ey Yəmaninin oğlu! Zühurun əvvəllərində Ali-Muhəmmədin (ə) Qaimi... Davamı..