Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
28 Yanvar 12:14
Şərh Yoxdur
2346

Həqiqi mömini necə tanımaq olar? – Peyğəmbərimizin (s) mübarək izahı

Dinimiz bizə etməli və etməməli olduğumuz hər şeyi öyrətmişdir. Hər kim ona əməl edər – xilas olar. Bu, həkimin verdiyi reseptə bənzəyir ki, əgər xəstə ona əməl edərsə, şəfa tapa bilər.

 

Əgər kimsə mahir idmançı olmaq istəyirsə, bir neçə dərsə getməklə idmançı ola bilməz. Bunun üçün davamlı məşğələlərə və səyə ehtiyac vardır. Hətta bəzi insanlar nə qədər təmrin və təkrar etsələr də, istədikləri nəticəni əldə edə bilmirlər.

 

İslam dinini qəbul edən insan da bu idmançı kimidir. İnsan ancaq şəhadətləri deməklə müsəlman olmaz. Hətta bəzi göstərişləri yerinə yetirib, bəzilərini təxirə salmaq belə, insanı həqiqi müsəlman etməz.

 

Ona görə də İslam dini o zaman səmərə verər ki, insan onun buyurduqlarını yerinə yetirməklə yanaşı, bu yolda səy göstərər, təmrin edər. Öz əxlaq və rəftarını islah etməyə çalışar. Nəfsini tərbiyə edər. İnsanlara xidmət edib, saleh əməllər yerinə yetirər.

 

Allah Təala Qurani-Kərimdə saleh əməli ən yaxşı insanların nişanəsi kimi tanıtmışdır. “Şübhəsiz, iman gətirib və saleh iş görənlər isə yaradılmışların ən yaxşılarıdırlar”. (“Bəyyinə” 7).

 

İslamın buyurduğu ideal insanın səviyyəsinə çatmaq üçün Məsumların (ə) həyatı və əməlləri ilə tanış olub, onlardan nümunə götürmək lazımdır. O zaman ki, insanın örnəyi olar, məqsədə çatması da daha asan olar.

 

Məsumlar (ə) dinimizin həkimləridir və onların verdiyi dərmanlar bizi mütləq sağaldacaqdır. Həzrət Peyğəmbər (s) bir həkim kimi buyurur ki, əgər həqiqi mömin olmaq istəyirsənsə, gərək dilinə və əlinə nəzarət edəsən. Yəni, nə dili və nə də əli ilə başqalarına əziyyət verməməlidir.

 

Həzrət (s) buyurur: “Müsəlman o kəsdir ki, başqa müsəlmanlar onun əlindən və dilindən amanda olarlar. Mömin o kəsdir ki, insanların malı və canı onlara qarşı amanda olar”.

 

Həzrət Rəsuli-Əkrəm (s) başqa yerdə buyurur ki, o insan ki, ancaq öz rifahını düşünər və başqalarına qarşı biganə olar, bu cür insan müsəlman deyildir.

 

Həzrət Peyğəmbər (s) buyurur: “O kəs ki, səhəri edər və müsəlmanların işləri üçün səy göstərməz – onlardan deyildir. O kəs ki, başqasının fəryad səsini eşidər və onun yardımına tələsməz – müsəlman deyildir”.

 

Ona görə də dinimiz ancaq şəhadətləri demək, bəzi vacibatları yerinə yetirməklə bitməz. Həqiqi müsəlman o kəsdir ki, həm dinin buyurduqlarına əməl etsin, həm haram buyurduqlarından çəkinsin, həm əxlaq və rəftarını islah etsin, həm də insanlara xidmət üçün səy göstərsin.

 

O insanlar ki, qeyri-əxlaqi rəftarları ilə İslamı sual altına alar, onlar Qiyamət günü buna görə cavab verəcəklər. (Mehrnyus/Deyerler)

 

“Allahın nurunu öz ağızları ilə söndürmək (Peyğəmbərin (s) dəvətini, onun dinini və Kitabını təkzib və iftira ilə batil etmək) istəyirlər, halbuki, kafirlərin xoşuna gəlməsə də Allah Öz nurunu tamamlayacaqdır”. (“Səff” 8).

 

Allah Təala bizləri həqiqi möminlərdən qərar versin, inşəallah!

 

www.ahliman.info

Digər “Mənəviyyat ” Xəbərləri

Belə şəxsləri görən zaman bil ki, onlar Cəfəri şiələridir

İmam Əli (ə) buyurub: “Allahın Peyğəmbərinə (s) insanların mənə paxıllıq etmələrindən şikayətləndim. O Həzrət (s) buyurdu: Ey Əli! Cənnətə daxil olacaq ilk... Davamı..

Bu yeddi nəfər bütün peyğəmbərlər tərəfindən lənətlənib

Həzrət Rəsuli-Əkrəm (s) buyurub: Mən yeddi nəfərə lənət etmişəm, Allah da onlara lənət edib və məndən əvvəlki peyğəmbərlər də onlara lənət etmişlər.... Davamı..

İmam Əli (ə): “Özünə hörmət qоyаn kimsənin gözündə nəfsi istəklər dəyərsiz оlаr”

Əmirəl-möminin imam Əli əleyhissalam “nəfsin tərbiyəsi” ilə bağlı buyurmuşdur:   “Cаmааt! Nəfslərinizin tərbiyəsi ilə məşğul оlun və оnu аdətlərinə hərislikdən sахlаyın.” “Nəfslərinizlə... Davamı..

“Hətta bir dini göstərişi qəlbən qəbul etməyən şəxs kafirdir” – Ayətullah Yəzdi

Ayətullah Misbah Yəzdi buyurur: “İmanın nə dərəcədə olduğunu müəyyən etmək üçün insanların əməlinə diqqət yetirmək lazımdır. Ən yüksək iman mərtəbəsinə  çatmaq üçün... Davamı..

Hər kəs Allaha tərəf ibadətinin ən xalisini göndərsə, Allah da ən yaxşı məsləhəti onun üçün nazil edər

İxlas məqamı təkamülün və seyri-süluk mərhələlərinin ən yüksək mərhələsidir. İxlas nəticəsində qəlb ilahi nurların saçmasının mərkəzinə çevrilir. Qəlbdə hikmət və elm çeşməsi... Davamı..

Ərbəin günü oxumaq istəyənlər üçün Ərbəin ziyarətnaməsi

Ərbəin günündə İmam Hüseynin (ə) məzarını ziyarət etmək və Ərbəin ziyarətnaməsini oxumaq böyük savaba malikdir. Hətta İmam Həsən Əsgəri (ə) Ərbəin ziyarətnaməsini... Davamı..

Böyük insan heç vaxt söyüş söyməz

Həzrət Məhəmməd (s) buyurub: “Elə bir şey olmayıb ki, çirkin sözlər danışmaq (çirkin əməllər görmək) ona eyb gətirməsin. Elə bir şey olmayıb ki,... Davamı..

“Elm varsa iman var” kimi fikirlər həqiqətdən uzaqdır – Ayətullah Yəzdi

Ayətullah Ustad Misbah Yəzdi buyurur: “İman nədir və Allaha iman gətirmək nə deməkdir? İlk əvvəl belə nəzərə çarpır ki, iman “inam” deməkdir... Davamı..