Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
12 Fevral 22:00
Şərh Yoxdur
4528

Təvazökarlığın xüsusiyyətləri. İnsan kimlərin qarşısında təvazökarlıq etməlidir?

Bir nəfər İmam Rzaya (ə) sual verir ki, təvazökarlıq nədir? Əziz İmamımız (ə) belə cavab verir: “Təvazökarlığın dərəcə və mərtəbələri vardır:

1. İnsan öz qədrini və məqamını bilsin və pak qəlblə onu münasib yerində qərar versin.

2. Hər kəslə o cür rəftar etsin ki, onunla o cür rəftar etməsini istəyərdi.

3. Əgər başqasından pislik görsə, onu yaxşılıqla aradan qaldırsın.

4. Öz qəzəbini hadisələr zamanı yatızdırsın.

5. İnsanların günahından keçsin və bilsin ki, Allah yaxşı əməl sahiblərini sevir”.

 

İmam Sadiqin (ə) verdiyi tərifdə isə təvazökarlığın sifətləri haqqında bunları oxuyuruq: “

1. Hər kəsə salam versin.

2. Mübahisə etməyi tərk etsin, baxmayaraq ki, haqlıdır.

3. Gördüyü yaxşı işə görə təriflənməyini sevməsin”.

Təvazökarlıq – əxlaqın bəyənilmiş sifətlərindəndir ki, İmam Sadiqin (ə) buyurduğuna görə, hər bir şərəfin köküdür və Allah dərgahında məqamı ucadır. Bu gözəl sifət dünya və axirət səadətinin amilidir. Əgər təvazökarlığın dili olsaydı, insanları öz faydasından xəbərdar edərdi. Deyərdi ki, ey insanlar! Əgər mən sizin varlığınızda olsam, Allahın razılığını sizə tərəf çəkərəm və insanın hər bir işdə inkişaf səbəbiyəm. Mənə görədir ki, insanlar axirətdə saədətə çatırlar.

Allah Təala Həzrət Peyğəmbərinə (s) buyurur: “Və öz mehr (məhəbbət) və təvazökarlıq qanadını möminlərdən sənə tabe olan hər bir kəsin üzərinə endir; cəzbedici çətirini onların başları üzərində aç”. (“Şuəra” 215).

Bəs insan kimlərin qarşısında təvazökarlıq etməlidir?

 

1. Sübhan Allahın qarşısında. “Şübhəsiz, iman gətirib yaxşı işlər görən və öz Rəbblərinə inamla könül verən kəslər – cənnət əhlidirlər və orada əbədi qalacaqlar”. (“Hud” 23). Onlar iman gətirib, saleh əməllər görərək, Allah qarşısında təvazökarlıq ediblər.

 

2. Möminlərin qarşısında təvazökarlıq etmək. “Öz təvazökarlıq qanadını möminlər(in üstün)ə sər”. (“Hicr” 88).

 

3. Yoxsullar qarşısında. “Rəbblərinin razılığını qazanmaq və Ona yaxınlaşmaq istəyərək, səhər-axşam Onu çağıranları öz yanından qovma!”. (“Ənam” 52).

 

4. Valideyn qarşısında. “Və mehribanlıq üzündən onların qarşısında təvazökarlıq və kiçiklik qanadı sal (təvazökarlıq göstər) və «ey Rəbbim, körpəlikdə məni (rəhmət üzündən) tərbiyə etmələrinin müqabilində onların hər ikisinə rəhm et» de!”. (“İsra” 24).

 

5. Müəllim qarşısında. “Musa ona dedi: «(İcazə verirsən) öyrədildiyin həqiqətə istiqamətləndirmə elmlərindən mənə (də) öyrətməyin məqsədi ilə sənə tabe olum?»”. (“Kəhf” 66).

Beləliklə deyə bilərik ki, təvazökarlıq – bizi Allaha yaxınlaşdıran, dünya və axirət səadətimizə səbəb olan gözəl əxlaqi sifətlərdəndir. Təvazökarlıq təkəbbür sifətinin əksidir və insan əgər bu gözəl sifətə yiyələnə bilərsə, İlahi qürb məqamına yaxınlaşar və insanların sevimlisi olar.

 

www.ahliman.info

Digər “Mənəviyyat ” Xəbərləri

Belə şəxsləri görən zaman bil ki, onlar Cəfəri şiələridir

İmam Əli (ə) buyurub: “Allahın Peyğəmbərinə (s) insanların mənə paxıllıq etmələrindən şikayətləndim. O Həzrət (s) buyurdu: Ey Əli! Cənnətə daxil olacaq ilk... Davamı..

Bu yeddi nəfər bütün peyğəmbərlər tərəfindən lənətlənib

Həzrət Rəsuli-Əkrəm (s) buyurub: Mən yeddi nəfərə lənət etmişəm, Allah da onlara lənət edib və məndən əvvəlki peyğəmbərlər də onlara lənət etmişlər.... Davamı..

İmam Əli (ə): “Özünə hörmət qоyаn kimsənin gözündə nəfsi istəklər dəyərsiz оlаr”

Əmirəl-möminin imam Əli əleyhissalam “nəfsin tərbiyəsi” ilə bağlı buyurmuşdur:   “Cаmааt! Nəfslərinizin tərbiyəsi ilə məşğul оlun və оnu аdətlərinə hərislikdən sахlаyın.” “Nəfslərinizlə... Davamı..

“Hətta bir dini göstərişi qəlbən qəbul etməyən şəxs kafirdir” – Ayətullah Yəzdi

Ayətullah Misbah Yəzdi buyurur: “İmanın nə dərəcədə olduğunu müəyyən etmək üçün insanların əməlinə diqqət yetirmək lazımdır. Ən yüksək iman mərtəbəsinə  çatmaq üçün... Davamı..

Hər kəs Allaha tərəf ibadətinin ən xalisini göndərsə, Allah da ən yaxşı məsləhəti onun üçün nazil edər

İxlas məqamı təkamülün və seyri-süluk mərhələlərinin ən yüksək mərhələsidir. İxlas nəticəsində qəlb ilahi nurların saçmasının mərkəzinə çevrilir. Qəlbdə hikmət və elm çeşməsi... Davamı..

Ərbəin günü oxumaq istəyənlər üçün Ərbəin ziyarətnaməsi

Ərbəin günündə İmam Hüseynin (ə) məzarını ziyarət etmək və Ərbəin ziyarətnaməsini oxumaq böyük savaba malikdir. Hətta İmam Həsən Əsgəri (ə) Ərbəin ziyarətnaməsini... Davamı..

Böyük insan heç vaxt söyüş söyməz

Həzrət Məhəmməd (s) buyurub: “Elə bir şey olmayıb ki, çirkin sözlər danışmaq (çirkin əməllər görmək) ona eyb gətirməsin. Elə bir şey olmayıb ki,... Davamı..

“Elm varsa iman var” kimi fikirlər həqiqətdən uzaqdır – Ayətullah Yəzdi

Ayətullah Ustad Misbah Yəzdi buyurur: “İman nədir və Allaha iman gətirmək nə deməkdir? İlk əvvəl belə nəzərə çarpır ki, iman “inam” deməkdir... Davamı..