Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
28 Noyabr 11:00
Şərh Yoxdur
4185

İmam Zaman ağanı (ə.f) tanımaq üçün 10 pillə

İmam Əli (ə) bizlərə nəsihətində buyurmuşdur: “Canlarınıza zərif hikmətlərlə ruh bəxş edin. Çünki onlar da bədənlər kimi yorulur”. İmam Zaman ağa (ə.f) hər bir Əhli-beyt (ə) davamçısının İmamıdır və onu tanımaq üçün bir-bir nərdivanın pillələni qalxmalıyıq.

Bu yolda Üveys Qəraninin tövsiyələrinə diqqət edək. O, da İmamını görməmiş, ancaq ona çatmışdır.

1. Allahla ünsiyyət. Bir nəfər Üveysə deyir: “İstəyirəm ki, səninlə həmsöhbət olum və səninlə ünsiyyət qurum”. Üveys deyir: “Sübhənallah! Təəccüb edirəm o kəsə ki, Allahı tanıyır və Allahla olmaqdan qəflət edir”. İnsanın munisə ehtiyacı vardır. Allah Təala – insanın daimi Munisidir. Hər bir zaman və hər bir yerdə insan Onun həmsöhbəti ola bilir.

2. Quranla yaxın olmaq. Üveys deyir: “Heç kəs Quranın yoldaşı olmaz, məgər ayağa qalxan zaman o kəsə bir şey əlavə olar və ya ondan bir şey əskilər. Quran möminlər üçün şəfa və rəhmətdir. Zalımlara ziyan və xusranı artırar”.

3. Nəsihəti eşitmək. Üveys Qərəni deyir: “Bu ürəklər şəklərlə qarışıbdır. Ona görə də onda nəsihət və öyüd faydalı deyildir”. İnsanın ürəyi ağ lövhəyə bənzəyir. Bu lövhə günahla qaralar. İmam Əli (ə) xəvaricdən olan Quran oxuyan şəxsi görən zaman buyurmuşdu: “Yəqin halında yatmaq, şəklə namaz qılmaqdan daha yaxşıdır”.

4. Ürəyi yetişdirmək. Üveys deyir: “Ürəyindən müğayat ol. Əgər kimsə ürəyini boş buraxarsa, ziyan görər”. Ürək – Kəbəyə bənzəyir, necə ki, Allahın Evi bütlərdən pak olmalıdır, ürək evi də gərək napaklıqlardan pak olub, Məhbubun diyarına çevrilsin.

5. Günahı tanımaq. Üveys deyir: “Günahının kiçikliyinə nəzər salma, bəlkə o kəsə nəzər sal ki, Ona günah etmisən. Əgər günahını kiçik hesab etsən, Allahı kiçik hesab etmiş olarsan”.

6. Ölümə inam. Üveys deyir: “Həqiqətən ölüm və onu yada salmaq – mömin üçün şadlıq və sevinci aradan aparar”.

7. Axirət azuqəsi. Üveysə deyirlər: “Sənin işin necədir?”. Deyir: “Ah, azuqənin yoxluğundan və yolun uzunluğundan”. Hər kəs səfərə çıxan zaman özü ilə azuqə götürər və əgər götürməzsə, yolu yarımçıq qalar.

8. Xoşbəxtlik məcunu. Üveys Qərəni deyir: “Necə də gözəldir iman ki, onu elmlə bəzəyəsən. Necə də gözəldir elm ki, onu əməllə bəzəyəsən. Necə də gözəldir əməl ki, onu həlimliklə bəzəyəsən”. Xoşbəxt olmaq üçün məcunu əldə etmək lazımdır. Bu məcunun tərkibini də Üveys bizlərə söyləyir: 1. İman və elm. 2. Elm və əməl. 3. Əməl və həlimlik.

9. İctimai məsuliyyət. Üveys deyir: “Allahım! Mən Səndən hər bir ac mədəyə, paltarsız bədənə görə üzr istəyirəm”.

10. Vilayəti qəbul etmək. Bir gün Üveys Qərəni Fərat sahilində dəstəmaz alırdı. Qulağına təbil səsi çatır. Soruşur ki, bu, nə səsdir? Deyirlər ki, Şah Əli (ə) ordusunun təbil səsidir ki, Müaviyəyə (lən) tərəf gedir. Üveys deyir: “Mənim üçün heç bir ibadət mövlam Əli Murtəzaya (ə) tabe olmaqdan daha fəzilətli deyildir”.

Gəlin, biz də bu pillələri bir-birinin ardınca arxada qoyaq və İmamımıza (ə.f) yaxın olaq.

 

www.ahliman.info

Digər “Əhli-Beyt ” Xəbərləri

Sabah Xanım Zeynəbin (s.ə) mövlud günüdür

Bu gecə  İslam Peyğəmbərinin (s) nəvəsi, Kərbəla həqiqətlərini dünyaya çatdıran, Kərbəla səhnəsinin misilsiz qadın qəhrəmanı Həzrət xanım Zeynəbin (s.ə) mövlud günü daxil... Davamı..

İmam Məhdi (ə.f): Anamız Fatiməni ziyarət etmək istəsəniz, gedin Xanım Məsumənin qəbrini ziyarət edin!

Deyirlər ki, Ayətullahil-üzma Mərəşi Nəcəfinin atası qırx gün müddətində Səhlə və Küfə məscidlərində İmam Zamana (ə.f) təvəssül etmiş və sonda məqsədinə nail... Davamı..

İmam Zaman ağaya (ə.f) niyə Bəqiyyətullah deyilir?

Quran buyurur: “Əgər imanınız olsa, (başqasının haqqını verdikdən sonra) Allahın sizin üçün saxladığı şey daha xeyirlidir və mən sizə məmur və gözətçi... Davamı..

Bu gün həzrət Məsumənin (s.ə) vəfat günüdür

Bu gün Xanım Məsumənin vəfatı günüdür. Məsumə adı ilə məşhur olan kəramətli xanım İmam Kazımın (ə) qızıdır. Həmçinin İmam Rzanın (ə) bacısıdır. Bəzi mənbələrdə... Davamı..

Bu gün İmam Həsən Əsgərinin (ə) mövlud günüdür

İmam Həsən Əsgəri (ə) Məsum İmamların (ə) on birinci ulduzudur ki, 232-ci Hicri ilində rəbius-sani ayının 8-də  dünyaya gəlmiş və 260-cı hicri... Davamı..

Peyğəmbərimiz (s): “Mən Allahdan istəmişəm ki, dostlarımın ruzisini ehtiyacları qədər qərar versin”

“Ey Əbuzər! Mən Allahdan istəmişəm ki, dostlarımın ruzisini ehtiyacları qədər qərar versin, amma düşmənlərimin mal və övladlarını çox etsin”. İşarə edildiyi kimi,... Davamı..

Ustad Fatimi Niya: “Kim İmam Zamanı unudarsa, həmin şəxsə mütləq xəsarət dəyər”

Mərhum Ustad Abdullah Fatimi Niya buyurur: Həzrət İmam Zaman ağa (ə.f) Allahın izni ilə bu aləmin sahibidir, bizim nemətlərin də sahibidir. O, bu... Davamı..

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Oktyabr ayının 14-ü hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə)... Davamı..