Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
28 Oktyabr 10:05
Şərh Yoxdur
2138

İmam Hüseynə (ə) namazın vaxtını xatırladan igid – Əbu Səmamə Saidi

Bu igidin əsil adı Əmr ibni Abdullah Saididir ki, Həmdan qəbiləsinin mərdlərindən idi. Əmirəl-möminin (ə) xüsusi səhabəsi idi. İmamla (ə) birlikdə bütün cihadlarda iştirak etmişdir. Əmirəl-möminin (ə) şəhid olandan sonra xaliscəsinə və aşiqcəsinə Həzrət İmam Həsənin (ə) xidmətində qərar tutur. Həzrətə (ə) din və dünya işlərində yardım edir.

Müaviyyə (lən) cəhənnəmə vasil olandan sonra, o da başqa Əhli-Beyt (ə) davamçıları ilə birlikdə Süleyman ibni Cəzayinin evində yığışırılar. İmam Hüseynə (ə) Kufəyə gəlmək üçün dəvət məktubu yazırlarlar ki, həmin məktuba görə Müslim ibni Əqil Kufəyə gəlir. Əbu Səmamə Müslim üçün silah alır və döyüş üçün lazım olanları hazırlayır.

İbni Əsir öz kitabında yazır ki, İbni Ziyad (lən) Kufəyə daxil olduqda, Müslim ibni Əqil ordunun bir hissəsini Əbu Səmaməyə tapşırır ki, o, qəddara tərəf getsin. Əbu Səmamə də İbni Ziyadı Darul-əmarə qalasında mühasirəyə alır və niyyəti bu olur ki, bu zalımı, yanında olanlarla birlikdə məhv etsin. Ancaq İbni Ziyadın hiyləsi və Kufə camaatının qorxusu nəticəsində Müslim tək qalır. Əbu Səmamə də Kufə camaatının bu vəfasızlığından sonra geri çəkilir və qəbiləsində gizlənir.

İbni Ziyad onu axtarmağa başlayır. Əgər onu tapsaydı şübhəsiz ki, ən ağır işgəncə ilə öldürəcəkdi. Ancaq bu aşiq arif Kufədən çıxır və özünü İmam Hüseynə (ə) çatdırır.

Aşura gününün qızmar istisində İmam Hüseynin (ə) səhabələrindən ikisi şəhid olanda Əbu Səmamə qana bulaşmış halda İmam Hüseynin (ə) yanına gəlir və deyir: “Ey Əba Abdullah! Canım sənə fəda olsun. Baxmayaraq ki, qatilin bayrağı dalğalanır və döyüş təndiri yanır, Allaha and olsun ki, mən qanıma boyanmayınca səni öldürməyəcəklər. Allahla o halda görüşmək istəyirəm ki, vaxtı çatmış bu namazı səninlə qılam.

İmam başını səmaya qaldırdı və buyurdu: “Əbu Səmamə, zöhr vaxtıdır. Allah səni namazqılanlardan qərar versin ki, namazın vaxtını yada saldın. İndi bu insanlardan istəyin ki, namaz qılmağımız üçün bizə möhlət versinlər. Sonra döyüşə davam edərik”.

Həbib ibni Məzahir Yezid (lən) ordusunun qarşısına keçir və deyir: “Məgər İslam dinini yaddan çıxartmısınız? Namaz qılmağımız üçün döyüşü dayandırmayacaqsınız?”.

Həsin ibni Nəmir deyir: “Ey Hüseyn! Bacardığın qədər namaz qıl ki, namazın Allah tərəfindən qəbul olunası deyildir”.

Həbib qəzəbli halda deyir: “Ey şərabxor qadının oğlu! Məgər sənin namazın qəbul olur, ancaq Allah Rəsulunun (s) övladının namazı Allah dərgahında qəbul olmur?”.

Bu söhbətdən sonra güclü döyüş başlayır və Həbibi şəhid edirlər. Əbu Səmamə xof namazından sonra İmama (ə) deyir: “Mən hazıram ki, özümü dostlarıma çatdıram və onlara qoşulam. İstəmirəm ki, böyük insanların getdiyi yoldan geri qalam. Mənim taqətim yoxdur səni qərib və köməksiz görəm”.

Həzrət (ə) buyurur: “Ey Əbu Səmamə! İrəli get ki, biz də bu yaxın zamanda sizə qoşulacağıq”.

Əbu Səmamə həm sağdan, həm də soldan düşmənə hücum edir və çox sayda düşməni cəhənnəmə vasil edir. Çoxlu yara aldığına görə şəhid olur.

O, sübut edir ki, namazı hər bir şəraitdə qılmaq olar. Sübut edir ki, hər cür qəddar düşmənin qarşısında dayanmaq olar. (Erfan/Deyerler)

 

www.ahliman.info

Digər “Əhli-Beyt ” Xəbərləri

İmam Əli (ə): “Аllаh, Muhəmməddən (s) yахşı insаn yаrаtmаyıb”

Bir nəfər, Əmirəl-möminindən (ə), о Həzrət qılıncının qаyışını bеlinə bаğlаmış hаldа Kufə məscidində оlаrkən Pеyğəmbərin cismаni хüsusiyyətləri bаrədə suаl sоruşdu. İmаm (ə)... Davamı..

Bu gün Xanım Fatimeyi Zəhranın (s.ə) mövlud günüdür

Həzrət Fatimə (s.ə) besətin 5-ci ilində cəmadius-sani ayının 20-si dünyaya gəlib. Dünya və axirət xanımlarının seyyidəsi, Həzrət Rəsulullahın (s) gözünün işığı xanım... Davamı..

Həzrət Muhəmməd (s): “Sizin ən təqvаlınız və Аllаhı ən yахşı tаnıyаnınız mənəm”

Həzrət Muhəmməd (s) peyğəmbərimiz özü haqda buyurur: “Mən, Аllаhın tərbiyə еtdiyi, Əli isə mənim tərbiyə еtdiyimdir.” “Еy insаnlаr! Mən əslində Аllаh tərəfindən... Davamı..

Həzrət Zəhranın (s.ə) sevgisi insana 7 yerdə xüsusi bəhrə verər

Həzrət Peyğəmbər (s) buyurur: “Ey Salman! Fatiməni (s.ə) sevmək yüz yerdə insanın halına faydalı olar ki, onların ən rahat olanları ibarətdir:  ... Davamı..

Həzrət Zəhranın (s.ə) İmam Əliyə (ə) vəsiyyət etdiyi 8 məqam

Həzrət Zəhranın (s.ə) bizə gəlib çatan vəsiyyətində 8 mühüm nöqtəyə işarə edilmişdir ki, onlara nəzər salaq: 1. İmam Baqir (ə) buyurur: “Anam Fatimə (s.ə)... Davamı..

Xalqı aldatmaq xatirinə elm öyrənən kəsin burnuna cənnət qoxusu dəyməz

“Ey Əbuzər! Xalqı aldatmaq xatirinə elm öyrənən kəsin burnuna cənnət qoxusu dəyməz”. Şöhrət və sərvət üçün elm dalınca gedənlər bir tərəfə qalsın,... Davamı..

Peyğəmbər (s) və Əhli-Beytinin (ə) xüsusi davamçıları cənnətdə harada sakin olacaqlar?

“Allah mömin kişilərə və möminə qadınlara (ev və ağaclarının) altından çaylar axan, əbədi qalacaqları cənnətlər vəd etmişdir. Həmçinin əbədi cənnətlərdə pak məskənlər!... Davamı..

Həzrət xanım Fatimeyi Zəhranın (s.ə) əza günləri bu gecədən başlayır

Əziz İslam peyğəmbərinin vəfatından dərhal sonra baş verənlər qarşısında özünü mübarizə meydanına atan Fatimeyi Zəhra İmamət yolunda özünü fəda edən ilk şəxsdir.... Davamı..