Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
20 Sentyabr 10:50
Şərh Yoxdur
2811

Qədir-Xum günü infaq etməyin savabı, oruc tutmağın savabı, gülərüz olmağın savabı, zinətləndirməyin savabı…

Qədir-Xum o qədər mühüm bir məsələdir ki, heç bir bayram ondan üstün hesab edilmir. Hədislərimiz bu bayramın fəziləti barəsində bizlərə məlumat verir və bizi həmin günün bərəkətlərindən xəbərdar edirlər.

Həzrət Fatimə (s.ə).

Həzrət Peyğəmbər (s) vəfat edəndən sonra Fədəyi qəsb edirlər. Həzrət Zəhra (s.ə) xütbə demək üçün məscidə daxil olur və böyük bir insan kütləsinin qarşısında xütbə deyir. Xanım (s.ə) buyurur: “Məgər atam Qədir-Xum günündə kiminsə üçün üzr yeri qoymuşdurmu? Məgər unutmusunuzmu ki, Peyğəmbər (s) Qədir-Xum günündə buyurmuşdu: “O kəsin ki, rəhbər və mövlası mənəm – Əli (ə) onun rəhbər və mövlasıdır”. Allaha and olsun ki, Peyğəmbər (s) həmin gün Əlinin (ə) vilayət və imamətini möhkəmləndirirdi ki, sizin bu məqama olan tamah kökünüzü kəssin”.

İmam Hüseyn (ə).

58-ci hicri ilində İmam Hüseyn (ə) həcc mərasiminda Minada 700 nəfərdən olan ənsar və mühacirlərə xütbə oxuyur və buyurur: “Sizi Allaha and verirəm, məgər bilmirsinizmi ki, Peyğəmbər (s) Əlini (ə) Qədir-Xum günündə rəhbər təyin etmişdi və öz dili ilə onun vilayətini elan etmişdi? Buyurmuşdu: “Bu mövzunu hazır olan olmayanlara xəbər versinlər”? Orada olanlar dedilər: “Bəli, Allahı şahid tuturuq ki, biz Qədir-Xum macərasını bilirik””.

İmam Rza (ə).

İmam Rza (ə) buyurur: “O zaman ki, Qiyamət günü bərpa olar, dörd günə zinət verərlər, necə ki, gəlini bəzəyərlər. Bu dörd gün: Quran bayramı günü, Fitr günü, cümə günü, Qədir-Xum günüdür. Ancaq Qədir-Xum günü o biri üç günün yanında ulduzlar arasında olan Ay kimidir. Qədir-Xum gününə “Kamal günü” deyirlər. O gün ki, şeytanlar qovular və o gündür ki, Əhli-beyt (ə) davamçılarının və Ali-Muhəmməd (ə) dostlarının əməlləri qəbul olunar. O gündür ki, Allah müxaliflərin əməllərini rədd edər və onları dəyərsiz hesab edər”.

“Bu bayram günündə insanların üzünə gülmək lazımdır, insanlarla gülərüzlə söhbət etmək lazımdır. Hər kim Qədir-Xum günündə müsəlman qardaşı ilə gülər üzlə üz-üzə gələrsə, Allah Qiyamət günü ona rəhmət gözü ilə baxar. Onun min hacətini rəva edər və onun üçün behiştdə ağ luludan saray tikər. Simasını nurani edər”.

Qədir-Xum günü – zinət günüdür. Hər kim bu gündə özünü zinətləndirərsə, Allah onun günahlarını bağışlayar. Mələkləri məbus edər ki, onun üçün həsənə yazsınlar. Dərəcəsini qaldırar və əgər o ildə ölərsə, şəhid ölmüş olar. Əgər sağ qalarsa, xoşbəxt olar”.

 

İmam Sadiq (ə).

Həsən ibni Raşid nəql edir ki, İmam Sadiqə (ə) dedim: “Fitr və Qurbandan başqa bayram vardırmı?”. Həzrət (ə) buyurdu: “Bəli, o iki bayramdan daha böyük və şərəfli bayram başqasıdır. O gündür ki, Əmirəl-möminin (ə) insanların rəhbəri kimi təyin edilmişdir. Zilhiccə ayının 18-si”.

İmam Sadiq (ə) buyurur: “Zilhiccə ayının 18-i – böyük bayramdır. Hər bir peyğəmbər (ə) istisnasız olaraq öz canişinini belə bir gündə ümmətinə tanıtmışdır. Özündən sonra ümmətin rəhbəri kimi nəsb etmişdir”.

İmam Sadiq (ə) buyurur: “Qədir-Xum günü bir dirhəm infaq etməyin savabı, başqa günlərdə min dirhəm infaq etməyin savabına bərabərdir”.

İmam Sadiq (ə) buyurur: “Qədir-Xum gününün orucunun savabı dünya ömrünün sonuna qədər tutulan orucun savabına bərabərdir. Həmçinin mükafatı hər il yüz dəfə həccin, yüz dəfə ümrənin mükafatına bərabərdir. O həcc və ümrə ki, Allah tərəfindən qəbul olunar”.

İmam Sadiq (ə) buyurur: “Qədir-Xum gününün orucu 60 ilin günahlarının kəffarəsidir”.(Tebyan/Deyerler)

 

Qədir-Xum bayramınız mübarək olsun.

 

www.ahliman.info

Digər “Əhli-Beyt ” Xəbərləri

İmam Məhdi (ə.f): Anamız Fatiməni ziyarət etmək istəsəniz, gedin Xanım Məsumənin qəbrini ziyarət edin!

Deyirlər ki, Ayətullahil-üzma Mərəşi Nəcəfinin atası qırx gün müddətində Səhlə və Küfə məscidlərində İmam Zamana (ə.f) təvəssül etmiş və sonda məqsədinə nail... Davamı..

İmam Zaman ağaya (ə.f) niyə Bəqiyyətullah deyilir?

Quran buyurur: “Əgər imanınız olsa, (başqasının haqqını verdikdən sonra) Allahın sizin üçün saxladığı şey daha xeyirlidir və mən sizə məmur və gözətçi... Davamı..

Bu gün həzrət Məsumənin (s.ə) vəfat günüdür

Bu gün Xanım Məsumənin vəfatı günüdür. Məsumə adı ilə məşhur olan kəramətli xanım İmam Kazımın (ə) qızıdır. Həmçinin İmam Rzanın (ə) bacısıdır. Bəzi mənbələrdə... Davamı..

Bu gün İmam Həsən Əsgərinin (ə) mövlud günüdür

İmam Həsən Əsgəri (ə) Məsum İmamların (ə) on birinci ulduzudur ki, 232-ci Hicri ilində rəbius-sani ayının 8-də  dünyaya gəlmiş və 260-cı hicri... Davamı..

Peyğəmbərimiz (s): “Mən Allahdan istəmişəm ki, dostlarımın ruzisini ehtiyacları qədər qərar versin”

“Ey Əbuzər! Mən Allahdan istəmişəm ki, dostlarımın ruzisini ehtiyacları qədər qərar versin, amma düşmənlərimin mal və övladlarını çox etsin”. İşarə edildiyi kimi,... Davamı..

Ustad Fatimi Niya: “Kim İmam Zamanı unudarsa, həmin şəxsə mütləq xəsarət dəyər”

Mərhum Ustad Abdullah Fatimi Niya buyurur: Həzrət İmam Zaman ağa (ə.f) Allahın izni ilə bu aləmin sahibidir, bizim nemətlərin də sahibidir. O, bu... Davamı..

Bu gün həzrət Muhəmmədin (s) və İmam Sadiqin (ə) mövlud günüdür – Mövlud gününün əməlləri

Oktyabr ayının 14-ü hicri qəməri təqvimi ilə rəbiul-əvvəl ayının 17-si əziz İslam Peyğəmbəri həzrət Muhəmməd (s) və altıncı İmam Cəfər Sadiqin (ə)... Davamı..

İmam Əli (ə) Cəmkəran məscidi barədə xəbər vermişdir

Şeyx Səduq Əmirəl-möminindən (ə) nəql edir ki, İmam (ə) Yəmaninin oğluna xitab edərək buyurur: “Ey Yəmaninin oğlu! Zühurun əvvəllərində Ali-Muhəmmədin (ə) Qaimi... Davamı..