Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
13 İyul 11:59
1 Şərh
6495

Sübh azanından günəş çıxmasına qədər vaxtda gizlənən nemətlər

Sübh azanından günəş çıxmasına qədər təxminən bir saat yarım zamandır. Hədislərimiz bu saatı “behişt saatı” adlandırmışdır. Bu, elə fəzilətli saatdır ki, insana dünya və axirət xeyir və bərəkətləri gətirər. Məsumlarımızın (ə) bizlərə bu saatla bağlı tövsiyələrinə nəzər salaq.

Həzrət Peyğəmbər (s) buyurur: “Hər kim sübhün doğmasından günəş çıxmasına qədər öz namaz yerində əyləşərsə və namazın təqibatları ilə məşğul olarsa, Allah onu cəhənnəm atəşindən qoruyar”.

Həzrət Rəsuli-Əkrəm (s) başqa yerdə buyurur: “Hər kim sübh zamanı 7 dəfə bu ayələri oxuyarsa, həmin gün bəladan qorunar. «فَاللهُ خَیْرٌ حافِظاً وَ هُوَ ارْحَمُ الرَّاحِمینَ، انَّ وَلِیِّى اللهُ الَّذى نَزَّلَ الْکِتابَ وَ هُوَ یَتَوَلَّى الصَّالِحینَ، فَانْ تَوَلَّوْا فَقُلْ حَسْبِى اللهُ لا الهَ الَّا هُوَ، عَلَیْهِ تَوَکَّلْتُ وَ هُوَ رَبُّ الْعَرْشِ الْعَظیم (“Yusif” 84). (“Əraf” 196). (“Tövbə” 129).

İmam Baqir (ə) buyurur: “Hər kim fəcr doğandan sonra “Qədr” surəsini yeddi dəfə oxuyarsa 70 cərgə mələk ona salavat göndərər və 70 dəfə onun üçün rəhmət istəyərlər”.

Həzrət (ə) yenə buyurur: “Hər kim səhəri edər və Allahın dörd nemətini yada salmaz qorxuram ki, Allahın bu nemətləri onun əlindən getsin. Həmin dörd nemət və ona şükür etmək belədir: «الْحَمْدُ للهِ الَّذى عَرَّفنى نَفْسَهُ، وَ لَمْ یَتْرُکْنى عَمْیانَ الْقَلْبِ، الْحَمْدُ للهِ الَّذى جَعَلَنى مِنْ امَّةِ مُحَمَّدٍ صَلَّى اللهُ عَلَیْهِ وَ آلِهِ، الْحَمْدُ للهِ الَّذى جَعَل رِزْقى فى یَدَیْهِ وَ لَمْ یَجْعَلْ رِزْقى فى ایْدی النَّاسِ، الْحَمْدُ للهِ الَّذى سَتَر ذُنُوبى وَ عُیُوبى ، وَ لَمْ یَفْضَحْنى بَیْنَ النَّاس»؛

Tərcüməsi: “Şükür Allaha məxsusdur ki, Özünü mənə tanıtdı və kor qəlbli məni öz halına buraxmadı. Şükür Allaha məxsusdur ki, məni Muhəmmədin (s) davamçılarından qərar verdi. Şükür Allaha məxsusdur ki, ruzimi Öz ixtiyarında qərar vermişdir və onu insanlara tapşırmamışdır. Şükür Allaha məxsusdur ki, günah və eyiblərimi örtmüşdür və insanların yanında məni rüsvay etməmişdir”.

Əmirəl-möminin (ə) buyurur: “Hər kim günəş çıxmazdan əvvəl “Tövhid” (“İxlas”), “Qədr”, “Ayətül-kürsü” surələrindən hər birini 11 dəfə oxuyarsa, maddi ziyanlardan amanda qalar”.

İmam Əli (ə) buyurur: “Sübh namazından sonra günəş çıxana qədər Allahı zikr etmək hətta ticarət səfərlərindən belə, ruzini cəlb etməkdə daha təsirlidir”.(Erfan/Deyerler)

İmam Baqir (ə) buyurur: “Sübh yuxusu xəcalətli və bəyənilməzdir. Ruzini uzaqlaşdırar, üzün rəngini sarı və dəyişkən edər. Allah ruzini günəş çıxana qədər paylayar. Bu zamanda yatmaqdan çəkinin və bilin ki, (Bəni-İsrayil üçün nazil olan iki yemək) bu saatda Bəni-İsrayilə nazil olmuşdur”.

İmam Baqir (ə) buyurur: “Hər kim sübh namazından sonra 70 dəfə istiğfar edərsə, Allah onu bağışlayar”.

Hədislərimiz bu saatda yatmağı pisləyir və gətirəcəyi ziyanlardan bizi xəbərdar edirlər. Bu ziyanlar:

1. Yoxsulluq. İmam Əli (ə) buyurur: “Günəş çıxmazdan əvvəl yatmaq və həmçinin işa namazından əvvəl yatmaq yoxsulluğa və işlərdə pərişanlığa səbəb olar”.

2. Bəla. Bu saatda yatmaq bəlanı özünə cəlb edər.

3. Qəlbin kor olması. İmam Əli (ə) buyurur ki, hər kim bu saatda yatarsa, qəlbin korluğuna düçar olar və İlahi mərifət qəlbindən gedər.

4. İmansızlıq. Bu saatda yatmaq ardınca imanın zəifləməsini gətirər.

5. Ruzi üçün başqalarına möhtac olmaq.

6. Rüsvaylıq.

7. Maddi ziyanlar.

8. Nadanlıq.

9. Üzün sarı olması.

10. Qəflət.

 

www.ahliman.info

Digər “Mənəviyyat ” Xəbərləri

“Bismillah”ı namazda möhkəmdən demək hamıya bəlli edər ki, bu əməl lazımlı əməldir

Ayətullah Behcət buyurur: “Allahın bütün şüarları – əlamətdir. Nəyin əlamətidirlər? Misal üçün başını torpağa qoymaq – səcdə olunan Varlığı tanımağa və yadına... Davamı..

Həzrət Rəsulullah: “Kim Аllаhlа görüşməyi istəsə, Аllаh dа оnunlа görüşmək istər”

Dаvudun (ə) хəbərləri bаrədə dеyilir ki, Аllаh оnа vəhy buyurmuşdur: “Еy Dаvud! Mən müştаqlаrın qəlbini öz rаzılığımdаn yаrаtdım və оnlаrı zаtımın nuru... Davamı..

Valideynin bağışlanması üçün qılınan namaz

Ata və ananın övladı üzərində olan haqlarından biri də budur ki, onlar vəfat edəndən sonra onların qəza namazlarını qılsınlar, qəza oruclarını tutsunlar,... Davamı..

Rəcəbəli Xəyyat: Dörd ildir ki, sən bir dəfə də olsun bacına baş çəkməmisən!

Ustad Abdullah Fatimi Niya buyurur: Tehranda yaşayan saleh bəndə və bəsirət sahiblərindən biri mənə nəql etmişdi ki, bu danışdığım əhvalat inqilabdan öncə baş... Davamı..

Maddi, mənəvi, fiziki, ruzi və bir çox problemlərin həlli üçün həzrət Əlidən (ə) nəql olunan bu duanı oxuyun

Üveys Qərəni duası Şiə dua kitablarında keçən rəvayətlərə görə, Üveys Qərəninin İmam Əlidən (ə) hədis etdiyi bu duanı oxumaq bir çox dünyəvi... Davamı..

Allahı yad və zikr etmək Şeytanın hiyləsini zəiflədərək məhv edir

Allah-təala Qurani-Kərimdə şeytanın dilindən belə buyurur: “İblis dedi: Belə isə məni azdırdığına görə, mən də mütləq  Sənin düz yolunun başında, onların pusqusunda... Davamı..

İmam Əli (ə): Fаydаsız işləri kənаrа аtmаq хеyirli işlərə çаtmаğа səbəb оlаr

“О kəslər ki, bоş şеylərdən üz döndəriblər.”1 “О kəslər ki, yаlаn yеrə şəhаdət vеrməz və bоş şеylərlə rаstlаşsаlаr, böyüklüklə ötüb kеçərlər.”2 Həzrət... Davamı..

Kimsə yoxsulluq qorxusundan borcunu qaytarmazsa, Allah onu yoxsul edər

Bu gün texnologiya və elm inkişaf etsə də, insanların maddi çətinlikləri artmaqdadır. Bu gün cəmiyyətdə ən mühüm problem – yoxsulluq və insanların... Davamı..