Əhli-Sünnə aliminin “xəndək” etirafı və Qədr gecəsi
“Əlinin (ə) XƏNDƏK savaşı günü (Əmr bin Əbdəvidə) vurduğu zərbə insanların və cinlərin ibadətindən üstündür”.
ضربة علی یوم الخندق افضل من عبادة الثقلین
Həzrət Məhəmməd (s)
P.S: Məşhur əhli-Sünnə alimi və Quran təfsirçisi Fəxrüddin Razi (6-7-ci hicri-qəməri əsri) özünün “Məfatihul-Ğeyb” (c.32, s.231) adlı təfsir əsərində Qədr surəsinin təfsirində deyir:
و هذا كقوله عليه السلام لمبارزة علي عليه السلام مع عمرو بن عبد ود [العامري] «أفضل من عمل أمتي إلى يوم القيامة».
“Bu (yəni Qədr gecəsinin min aydan xeyirli olması ifadəsi), Peyğəmbərin (s) “Əlinin (ə) Xəndəq döyüşündə Əmr bin Əbdəvid Amiri ilə mübarizəsi Qiyamət gününədək ümmətimin əməlindən üstündür” deməsi kimidir. Peyğəmbər (s) buyurmadı “Əlinin zərbəsi ümmətin əməli kimidir”, buyurdu ki, “daha üstündür”. Yəni ey Əli (ə) bu zərbə sənə Qiyamət gününün hesabında bəs edər, qalan əməllərin artıq şeydir.”
Qədr gecəsi də belədir. Min ayın, yəni 83 ilin ibadətindən daha üstündür. Əgər bu gecələri layiqincə qarşılayıb, layiqincə yola sala bilsək, dünya və axirət xoşbəxtliyimizə bəsdir.
