Nəbə” surəsi Quranın 78-ci surəsidir ki, Məkkədə nazil olmuşdur və 40 ayəsi vardır.
Həzrət Peyğəmbər (s) bu surə haqqında buyurur: “Hər kim “Nəbə” surəsini oxuyar, Allah Qiyamət günü ona sərin içki içizdirər”.
Həzrət Rəsuli-Əkrəm (s) başqa yerdə buyurur: ““Nəbə” surəsini öyrənin, əgər bilsəydiniz ki, onda nə bərəkətlər gizlənmişdir, işlərinizi tətil edib onu öyrənərdiniz. Onun vasitəsilə Allaha yaxınlaşın. Allah onun vasitəsilə günahlarınızı bağışlayar, Ona şirk bəsləməkdən savayı”. (Tebyan/Deyerler)
İmam Sadiq (ə) buyurur: “Bu surədə “Əzim Nəbə” dedikdə, məqsəd Əmirəl-mömininin (ə) vilayətidir”.
İmam Əli (ə) buyurur: “Allahın heç bir ayəsi məndən böyük və heç bir əzim nəbəsi məndən əzim deyildir”.
Bu surənin bərəkətləri.
1. Allah evinə getmək. İmam Sadiq (ə) buyurur: “Hər kim bir il “Nəbə” surəsini oxumağı davam etdirsə və hər gün onu oxusa o ildən xaric olmaz, məgər o halda ki, Allahın evini ziyarət edər”.
2. Gecə oyaq qalmaq üçün. İmam Sadiq (ə) buyurur: “Hər kim gecə oyaq qalmaq istəyirsə, əgər “Nəbə” surəsini oxuyarsa belə olar. Gecə səfərə çıxmaq istəyən üçün onu oxumaq faydalıdır və oğruların və quldurların şərindən amanda qalar”.
