Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
11 Avqust 10:55
Şərh Yoxdur
14427

Sabah Qurban bayramıdır – Bu gecənin və bayram gününün əməlləri

Ərəfə günündən Qurban bayramına keçən gecə – Zilhiccə ayının 10-cu gecəsi təbərrük və müqəddəs gecələrdəndir. Bu bayram gecəsi il ərzində olan həmin o 4 gecələrdəndir ki, onda əhya saxlamaq – oyaq qalıb ibadət etmək xüsusilə bəyənilmişdir. Qurban bayramının gecəsi asimanın qapıları açıq qərar verilimişdir. Bu gecəni İmam Hüseynin (ə) ziyarətini oxumaq və dua-münacatla keçirmək çox bəyənilmişdir. Bu gecə oxunan xüsusi dua var: (“Ya daiməl fəzli ələl bəriyyə..” duası).

 

Qurban bayramı gününün əməlləri

Zilhiccənin 10-cu günü – Qurban bayramı gününün əməlləri:

1. Qüsl almaq.

2. Qurban bayramının namazını qılmaq.

3. “Səhifeyi-Səccadiyə” dua kitabının 48-ci duasını (Qurban bayramı və cümə gününün duası)  oxumaq.

4. “Nüdbə” duasını oxumaq.

5. İmam Hüseynin (ə) Qurban bayramına məxsus ziyarətnaməsini oxumaq.

6. Qurban kəsmək.

7. Qurban bayramı gününün zöhr namazından etibarən zilhiccə ayının 12-ci gününün sübh namazına kimi 10 namazın sonunda aşağıdakı təkbiri söyləmək böyük savaba malikdir:«Allahu əkbər, Allahu əkbər, lə iləhə illəllah, vallahu əkbər, Allahu əkbər və lilləhil-həmd. Allahu əkbəru əla mə hədənə. Allahu əkbəru əla mə razəqnə min bəhimətil-ən’am. Vəlhəmdu lilləhi mə əblənə». Tərcüməsi: «Allah hər şeydən ucadır, Allah hər şeydən ucadır, Allahdan başqa məbud yoxdur və Allah hər şeydən ucadır, Allah hər şeydən ucadır və həmd Allaha məxsusdur. Bizə verdiklərinə görə, ev heyvanlarından bizə ruzi yetirən Allah hər şeydən ucadır. Bizi sınağa çəkdiyinə görə Allaha həmd olsun».

 

İslam təqviminin ən əlamətdar tarixlərindən olan müqəddəs Qurban bayramını – mənəvi həcc səfərinin şah zirvəsini sinvolizə edən günü təntənəli surətdə qeyd etmək çox gözəldir.

 

Bayram namazının qılınma qaydası

Bayram namazı (Fitr və Qurban namazları) İmam Mehdi Sahib-əz-Zamanın (ə.f.) zühuru zamanı vacib olacaq. Hazırda İmam (ə.f.) qeybdə olduğu üçün bu namazın qılınması vacib deyil, müstəhəbdir.

Bayram namazı həm fərdi qaydada, həm camaatla (rəcaən niyyətilə) qılına bilər. Bayram namazının vaxtı – Gün çıxan vaxtdan zöhrə qədərdir.

Bayram namazı (Fitr və Qurban namazları) 2 rükətdir. Birinci rükətdə “Fatihə” surəsindən və digər surədən sonra 5 təkbir deyilir, hər təkbirdən sonra qunut tutulur. Beşinci qunutdan sonra təkbir deyilir (bu, artıq 6-cı təkbir olur), sonra rüku və səcdələr yerinə yetirilir. İkinci rükətdə Fatihə” surəsindən və digər surədən sonra 4 təkbir deyilir, hər təkbirdən sonra qunut tutulur. Dördüncü qunutdan sonra təkbir deyilir (bu, artıq 5-ci təkbir olur), sonra rüku və səcdələr yerinə yetirilir,  təşəhhüd və salamlar deyilir.

 

Bayram namazının qunutunda hər hansı dua oxuna bilər. Amma müstəhəbdir ki, bu dua oxunsun:

 

Bayram namazının qunutunda oxunan müstəhəb dua

Əllahummə əhləl-kibriyəi vəl ‘əzaməti

və əhləl-cudi vəl-cəbəruti,

və əhləl-‘əfvi vər-rahməti,

və əhlət-təqva vəl-məğfirati,

əs-əlukə bihəqqi həzəl-yəvmi,

əl-ləzi cə’əltəhu lil-musliminə ‘idə,

vəli Muhəmmədin salləllahu ‘əleyhi və əlihi

zuxrən və şərafən və kəramətən və məzidə,

ən tusalliyə ‘ələ Muhəmmədin və əli Muhəmməd,

və ən tudxiləni fi kulli xeyrin ədxaltə fihi

Muhəmmədən və ələ Muhəmməd,

və ən tuxricəni min kulli su-in əxractə minhu

Muhəmmədən və ələ Muhəmmədin

saləvətukə ‘ələyhi və ‘ələyhim.

Əllahummə inni əs-əlukə xeyra

mə səələkə bihi ‘ibədukəs-salihunə

və əuzu bikə mimməs-təazə minhu

‘ibədukəl-muxləsun.

 

Qeyd edək ki, Avqust ayının 12-i səhər saat 08:30 da “Hacı Cavad” məscidində bayram namazı qılınacaqdır.

Qurban Bayramınız mübarək olsun.

 

www.ahliman.info

Digər “Mənəviyyat ” Xəbərləri

Səfər edin. Əgər səfərdə mal əldə etməsəniz də, düşüncəniz mütləq güclənəcəkdir

İnsan bu dünyaya ayaq basdığı gündən səfərdədir. Bu səfər zər aləmindən başlamışdır. Bu dünyada qonaqdır və əbədi səfər olan axirət üçün hazırlaşar.... Davamı..

Kiminlə ünsiyyət quraq?

Həzrət İsaya (ə) sual verirlər: “Ey Allahın ruhu! Kiminlə ünsiyyət quraq?”. Buyurur: “O kəslə ki, onunla görüşmək Allahı sizin yadınıza salar və... Davamı..

Ərəfə duası. Ərəbcə transkripsiya və tərcümə

  Qalib Əsədinin övladları Bişr və Bəşir rəvayət edirlər ki, Ərəfə gününün axırı Ərəfatda İmam Hüseyn (ə)-ın xidmətində idik. Həzrət xeyməsindən çıxıb... Davamı..

Həzrət Nuh (ə): “Ey Rəbbim, Yer üzündə bir nəfər belə kafir qoyma!”

Bir gün Həzrət Nuh (ə) görür ki, kafirlərdən biri kiçik oğluna vəsiyyət edir ki, Həzrət Nuhun (ə) sözlərinə əhəmiyyət verməsin və ona... Davamı..

Ayətullah Amuli: “İnsanlar bunu bilsələr günah etməzlər…”

Ayətullah Cavadi Amuli təfsir dərsində günahın diri olduğunu önə çəkərək deyib: “Əgər insan günahının diri və günah sahibini rüsvay etmədikcə yaxasını buraxmadığını... Davamı..

Ayətullah Cavad Amuli: “Şeytani fikirlərə qalib gəlməyin yolu”

Böyük əxlaq ustadı Ayətullah Cavadi Amuli bu barədə buyurur: “İnsan hər bir işinə Allahın adı ilə başlayarsa, şeytani fikirlərin aradan getməsinə səbəb... Davamı..

İmam Sadiq (ə): “Əgər ziyandan sağlam qalarsa, danışmaq sükutdan daha yaxşıdır”

Hədislərimiz buyurur ki, əgər danışmaq üçün ehtiyac yaranmasa, yersiz söz danışmaq yerinə susmaq və sükut etmək insana ancaq xeyir və fayda gətirər, ziyandan... Davamı..

Bu yeddi nəfər bütün peyğəmbərlər tərəfindən lənətlənib

Həzrət Rəsuli-Əkrəm (s) buyurub: Mən yeddi nəfərə lənət etmişəm, Allah da onlara lənət edib və məndən əvvəlki peyğəmbərlər də onlara lənət etmişlər.... Davamı..