Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
23 May 09:01
Şərh Yoxdur
7084

Ayətullah Seyid Əli Xameneinin Qədr gecələrilə bağlı 12 tövsiyyəsi

 

Ayətullah Xamenei müsəlmanların Qədr gecələrindən daha gözəl istifadə etməsi və bəhrələnməsi üçün bəzi tövsiyyələrini verib.

 

Qədr Gecələrinə mənəvi bir hazırlıqla daxil olun:

Mübarək Ramazan ayının günlərində qəlblərinizi ilahi zikrlərlə nurlandırın ki, Qədr gecələrinə hazır daxil ola biləsiniz.

 

Qədr gecələrinin saatlarını qənimət bilin:

Qədr gecələrinin qədrini bilin və hər anını qənimət sayın. Elə bir şey edin ki, Qədr gecələrində yazılanın taleyinizə təsiri olsun.

 

Maddi çirkinliklərdən uzaq durun:

Bizlər bu gecələrdə dua etməli və mənəvi bir ucalma üçün səy göstərməliyik. Namaz, möminin meracı olduğu kimi dua da möminin meracıdır. Qədr gecələri də möminlərin meracıdır. Bu gecələrdə mənəvi çirkinliklərdən və könül bağlarından ayrılmalıyıq.

 

Bu gecələrdə ən gözəl əməl, duadır:

Qədr gecəsinin ən dəyərli vaxtlarını dua ilə keçirin. Bu gecələrdə ən gözəl əməl duadır. Namaz da bu gecələrdə sünnədir. Əslində namaz, dua və zikrin təzahürüdür.

 

Duaların mənalarına diqqət edin:

Əhli- beytdən (ə) gələn və məzmunu dolğun olan duaların mənalarına diqqət edin. Xüsusilə gənclərimiz bu duaları oxuyaraq, söylədikləri sözlərə və cümlələrə xas diqqət göstərsinlər.

 

Allah (c.c.) ilə danışın:

Gənclərdən xahişim odur ki, dualarını edərkən nələr dediklərinə nəzər yetirsinlər. Bizlər bu gecələrdə Allah ilə danışırıq. Məhz ona görə dualarımızda nə dediyimiz çox mühümdür. Əgər ərəbcə duaların mənasını bilmiriksə, öz dilimizdə Allah (c.c.) ilə münacat edək.

 

Allahdan (c.c.) bağışlanma diləyin:

Qədr gecəsi, bağışlanma və tövbə etmək üçün ən gözəl fürsətdir. Allahdan (c.c.) bağışlanma istəyin. Belə ki, Allah (c.c) mənə və sizlərə, Ona dönməyimiz üçün açıq qapı qoymuşdur. Elə isə Allahdan (c.c.) məğfirət diləyək. Yoxsa elə bir gün gələcək ki, Allah (c.c.) günahkarlara belə səslənəcək: “Onların üzr istəmələrinə icazə verilmir!”

 

Qəlblərinizi İmam Əlinin (ə) uca məqamı ilə tanış edin:

Qədr gecəsi dua, yalvarış və ilahi dərgaha qayıdış gecələri olması ilə yanaşı, ürəklərimizin Həzrət Əlinin (ə) uca məqamı ilə tanış olması və dərs alması üçün bir fürsətdir.

 

Əsrin vəlisinə, zamanımızın imamına diqqət edin:

Bu gecələrdə zamanımızın imamına, mövlamıza diqqət edin. Onun vasitəsilə (təvəssül etməklə) Allahdan (c.c.) dualarınızı istəyin.

 

Yaradılış ayələri və insanların aqibəti üzərində düşünün:

İyirmi üçüncü gecənin ilk saatlarından başlayan və sübh azanının oxunacağı ana qədər Allahın (c.c.) salamı, rəhməti bütün yaradılmışlara paylanılır. Bu gecə xüsusi gecədir. Bu gecə Allahın (c.c.) ayələri üzərində təfəkkür və insanın aqibəti üzərində düşünməklə keçirin.

 

Müsəlmanlar üçün dua edin:

Qədr gecələri, mənəvi baxımdan xalqın rifahı, qəlblərin səfası üçün misli görünməyən bir gecədir. Bu gecələrdə öz məsələləriniz, müsəlmanlar və İslam dünyası üçün də dua edin.

 

Özünüzün və möminlərin hacətlərini (ehtiyaclarını) Allahdan (c.c.) istəyin:

Baxın öz hacətlərinizi müsəlmanların, ölkənizin, mömin qardaşlarınızın, xəstələrinizin, hüznlü qəlbləri, qəmli gözlərin hacətlərilə zənginləşdirin.

 

www.ahliman.info

 

Digər “Mənəviyyat ” Xəbərləri

Ayətullah Xamenei Fitr bayramını elan etdi. Fitr bayramınız mübarək.

Əziz müsəlmanlar Fitr bayramınız mübarək olsun. Ayətullah Xameneiyə bağlı olan “İstihlal İdarəsi”nin 150-yə yaxın qrupları Ramazan ayının 29-cu günündə müxtəlif yerlərdən müşahidlər... Davamı..

Bu gün islam dünyası Beynəlxalq Qüds Gününü qeyd edir

Bu gün bir çox islam ölkələri İsrail dövləti tərəfindən işğal edilmiş Fələstin torpaqlarının azad edilməsi üçün Beynəlxalq Qüds Gününü qeyd edir. Beynəlxalq... Davamı..

Bu gecə birinci Qədr gecəsidir. Qədr gecəsinin əməlləri

Bu gün Ramazan ayının birinci Qədr gecəsi (əhya) qeyd olunacaq. Qədr gecələrinin  müştərək olan müstəhəb əməlləri aşağıdakılardır:   1. Gün batarkən Qədr gecəsinin... Davamı..

Mübarək Ramazan ayının qalan günlərindən necə ən yaxşı şəkildə istifadə edə bilərik?

Ramazan ayı – başqa ayların sultanıdır. Bu ay Allaha məxsus olduğu üçün, rəhmət və bərəkəti də çoxdur və insanın dualarını və hacətlərini yerinə yetirən bir aydır. Elə... Davamı..

Həzrət Məhəmməd (s): “Oruc od qarşısında bir sipərdir”

“Ey iman gətirənlər! Sizdən qabaqkılara təyin olunduğu kimi, sizlərə də oruc təyin olundu. Bəlkə təqvalı olasınız.”[1]   Həzrət Məhəmməd (s) peyğəmbərimiz buyurub:... Davamı..

Mübarək Ramazan ayının gecələrində bu namazı qılmağı unutmayaq

Mübarək Ramazan ayının hər gecəsi (gecə yarısı,) iki rəkətli müstəhəb namazı var ki, bu qaydada qılınır. Hər rəkətində bir Həmd və üç... Davamı..

Ramazan ayının hər gecəsinin müstəhəb namazı var

Ramazan ayının hər gününə məxsus dualar olduğu kimi, hər gecəsinə məxsus fəzilətli namazları vardır ki, onlarla tanış olaq. Bunu qeyd edək ki,... Davamı..

Sabah mübarək Ramazan ayının ilk günüdür. Bu mübarək gecənin əməlləri

Bu gün Şəban ayının sonuncu günüdür. Sabah, 25 aprel mübarək Ramazan ayının ilk günüdür. Bu gecənin müstəhhəb əməlləri vardır. 1. Üzü qibləyə... Davamı..