Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
24 Oktyabr 09:07
Şərh Yoxdur
3497

Həqiqi möminlər öz həyatlarını dünya və axirət arasında bölərlər

Həqiqi möminlər öz həyatlarını dünya və axirət arasında bölərlər. Hər biri üçün lazımlı qədər vaxt ayırarlar, həm dünya işlərini yerinə yetirərlər və həm də ibadətə aşiq halda axirətləri üçün saleh əməllər yerinə yetirərlər. Heç birini o birisinə fəda etməzlər.

İmam Əli (ə) buyurur: “Sənin üçün ən sevimli iş, o iş olmalıdır ki, hər şeydən daha çox etidala uyğun olsun və hər şeydən daha çox aralarında ədaləti bərqərar etsin”.

Etidal sözünün mənşəyi ədl sözündən götürülmüşdür ki, mənası iki hal arasında orta həddi seçməkdir. Etidal elə bir fəzilətdir ki, insanın həm fərdi və həm də ictimai həyatına hakim olmalıdır.

Həqiqi mömin həyatının hər bir sahəsində etidala riayət etməlidir. O cümlədən:

1. Yatmaq və yeməyində. Qurani-Kərim buyurur: “(Allahın halal buyurduğu bütün halal yeməklərdən) yeyin-için, lakin israf etməyin ki, O, israf edənləri sevmir”. (“Əraf” 31). Yemək və yatmaqda ifrat və ya təfrit etmək insanı ziyana uğradar. İmam Sadiq (ə) buyurur: “Möminin qəlbi üçün çox yeməkdən ziyanlı şey yoxdur və bu cür əməl qəlbin daşlaşmasına və şəhvətə təhrik olmasına səbəb olar”.

2. İş və ibadət. İnsanın həm cismi və həm də ruhi ehtiyacları vardır. İnsan gərək həm ruhuna və həm də cisminə diqqət göstərsin və heç birində təfrit və ya ifrat etməsin. Quran buyurur: “Və Allahın sənə vermiş olduğundan axirət evini qazan, dünyadakı (ömür və maldan olan) nəsibini də unutma”. (“Qəsəs” 77).

İmam Kazım (ə) buyurur: “Hər kim dünyasını dininə görə və dinini dünyasına görə tərk edərsə, bizdən deyildir”.

3. Xərcləyən zaman və pul toplayan zaman. Möminin vəzifəsidir ki, bacardığı qədər ruzi qazanmaq üçün zəhmət çəksin və səy göstərsin. Dinimiz buyurur ki, müsəlman qazandığı ruzisini məntiqli şəkildə xərcləməyi və yığmağı bacarmalıdır və bu yolda da etidala əməl etməlidir. Quran buyurur: “Və əlini bağlayıb boynuna qoyma (vacibləri verməkdə xəsislik etmə) və onu tamamilə də açma (özün möhtac olacağın həddə qədər vermə) ki, qınanmış və aciz halda düşüb qalarsan”. (”İsra” 29).

Etidalın insan həyatına verdiyi faydalar:

1. Tərbiyə. İnsan həyatı boyu nəfsini tərbiyə etməlidir və bu yolda ona etidal yardım edə bilər. İmam Əli (ə) buyurur: “Nə zaman özünü islah etməyə meyil etsən, mötədil, qənaətçi, arzusu az olan ol”.

2. İnsana nicat verər. Həzrət Peyğəmbərin (s) nəzərinə görə, insanın nicat tapmasının ən mühüm amillərindən biri – həyatda mötədil olmaqdır.

3. Ehtiyacsızlıq. İmam Sadiq (ə) buyurur: “Həqiqətən, mötədillik ehtiyacsızlığa və sərvətə səbəb olur”.

4. Sağlamlıq. İmam Əli (ə) buyurur: “Hər kim salamatlıq istəyirsə, gərək mötədil olsun”.

5. Vəhdət. Həzrət Peyğəmbər (s) buyurur: “Mötədil olun, çünki o millət ki, mötədil olar heç bir zaman təfriqəyə düçar olmaz”.

6. Ülfət. Həzrət Peyğəmbər (s) buyurur: “Mötədil olun ki, qəbləriniz bir-birinə yaxın olsun”.

7. Çətinliklər asanlaşar. İmam Əli (ə) buyurur: “İşlərində mötədil olmağı öyrən. Çünki o insan ki, mötədil olmağı öyrənər həyat işləri onun üçün asan olar”.

8. İnkişaf etmək. Həzrət Peyğəmbər (s) buyurur: “Allah Təala nə zaman bir millətin inkişaf emtəsini istəyər, etidal və iffəti ruziləri edər”.

9. Həlakətdən amanda qalmaq. İmam Əli (ə) buyurur: “Hər kim mötədil olar, həlak olmaz”.

 

www.ahliman.info

Digər “Mənəviyyat ” Xəbərləri

Mübarək Ramazan ayının gecələrində bu namazı qılmağı unutmayaq

Mübarək Ramazan ayının hər gecəsi (gecə yarısı,) iki rəkətli müstəhəb namazı var ki, bu qaydada qılınır. Hər rəkətində bir Həmd və üç... Davamı..

Ramazan ayı üçün 10 bənddən ibarət tutumlu gündəlik proqram

O zaman ki, insan qarşısına çıxan bir fürsətin dəyirini bilər, onun qədrini daha yaxşı başa düşər və həmin fürsətdən bacardığı qədər istifadə... Davamı..

Ramazan ayında ibadətlərin qəbul olunmasının nişanələri vardır

Ustad Qiraəti Ramazan ayı ilə bağlı buyurur: “Necə ki, namazdan əvvəl azan deyilməlidir, Ramazan ayı gəlməzdən əvvəl də bu qonaqlığa hazırlaşmaq lazımdır.... Davamı..

Bu duaları namazların qunutunda oxuya bilərsiniz

Qunutda Quranın bu ayəsini  oxumaq Peyğəmbərin sünnəsidir: “Rəbbəna atina fid-dünya həsənətən və fil-axirəti həsənətən və qina əzabən-nar”. Tərcüməsi: “Ey Rəbbimiz, bizə bu... Davamı..

Ramazan ayı həyatı dəyişdirmək üçün bir fürsətdir

Mübarək Ramazan ayı həyatı yaxşılığa doğru dəyişmək, Quranla ünsiyətdə olmaq, özünü düzəltmək və fəaliyəti İslam prinsiplərinə əsasən qurmaq üçün ən münasib fürsətdir.... Davamı..

Ramazan ayının hər gecəsinin müstəhəb namazı var

Ramazan ayının hər gününə məxsus dualar olduğu kimi, hər gecəsinə məxsus fəzilətli namazları vardır ki, onlarla tanış olaq. Bunu qeyd edək ki,... Davamı..

Mübarək Ramazan ayının əməlləri

Bu gecə mübarək Ramazan ayının ilk gecəsi daxil olur   Ramazan ayı – orucun vacib olduğu aydır. Bundan əlavə, məsləhət görülən bir... Davamı..

Sabah Şaban ayının 30-dur. Mübarək Ramazan ayının ilk günü may ayının 7-dir

Bu gecə Ramazan ayının hilalı görünmədi. Ayətullah Xameneinin nəzarətində olan “İstihlal İdarəsi”nin  verdiyi məlumata görə, Sabah Şaban ayının 30-dur. Ramazan ayının ilk günü isə... Davamı..