Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
11 İyul 09:07
Şərh Yoxdur
5448

Ən üstün ruzi hansıdır? Ruzini necə artırmaq olar?

Ruzi sözünün ərəb dilindəki mənası – gündəlik yemək deməkdir. Dinimizdə isə ruzi dedikdə o şey nəzərdə tutulur ki, ondan bəhrələnmək olar və heç kəs onun qarşısını ala bilməz. Deməli, ruzi o şeydir ki, ondan bəhrələnmək olar.

Qurani-Kərimdə ruzi sözü bir neçə dəfə işlənmişdir ki, onlara işarə edək: “Və Rəbbinin ruzisi (kitab və din) daha yaxşı və əbədidir”. (“Taha” 131).

“Əgər Allah bəndələrinin ruzisini bol etsəydi, şübhəsiz, yer üzündə zülm və tüğyan edərdilər”. (“Şura” 27).

Əgər kiminsə ruzisi boldursa, bu, o demək deyildir ki, Allah onu sevir. Kiminsə ruzisi azdırsa, bu, o demək deyildir ki, Allah onu sevmir. Belə ki, Allah bəndəsini bəzən ruzi bolluğu və bəzən də ruzi azlığı ilə imtahana çəkər.

Sərvət və çoxlu sərmayə bəzən fəsada səbəb olar. Belə ki, zəngin insan özünü Allahdan ehtiyacsız hiss edər və tüğyan etməyə başlayar.

Bəzən də sərvət bəla və əzaba səbəb olar. İnsandan rahatlığı və istirahəti alar. Quran bu haqda buyurur: “Yoxsa belə güman edirlər ki, onlara yardım etdiyimiz mal-dövlət və oğullarla onların xeyirə nail olmalarına tələsirik? (Xeyir,) əksinə, anlamırlar (ki, onların sınanmaları və bədbəxtlikdə daha da irəliləmələri üçün vasitələr hazırlayırıq). (“Muminun” 55-56).

Nemətə şükür etmək onu çoxaldar və aradan getməsini əngəlləyər. “Əgər şükür etsəniz, sizə (olan nemətləri) mütləq artıraram və əgər kafir olsanız, ya naşükürlük etsəniz, Mənim əzabım, əlbəttə çox şiddətlidir”. (“İbrahim” 7).

İslam dini ruzi qazanmağı cihada getməklə bərabər tutur. Həzrət Peyğəmbər (s) buyurur: “O kəs ki, ailəsi üçün halal ruzi qazanmaq yolunda çalışar – mücahid və Allah yolunda hərəkət edəndir”.

Həzrət Peyğəmbər (s) buyurur: “Əgər insan odunu belinin arxasında həml etsə, başqalarına dilənçilik əlini açmaqdan daha yaxşıdır, məlum deyildir ki, ona bir şey verəcəklər, yoxsa yox”.

Ruzini artıran amillər:

Ailəsinə qarşı mehriban olmaq. İmam Sadiq (ə) buyurur: “Hər kim ailəsi ilə yaxşı əməl sahibi olarsa ruzisi çox olar”.

Yaxşı əməl. İmam Sadiq (ə) buyurur: “Yaxşı əməl ruzini artırar”.

Zəkat vermək. İmam Baqir (ə) buyurur: “Zəkat vermək ruzini artırar”.

Xoş niyyətli olmaq. İmam Əli (ə) buyurur: “Hər kim xoş niyyətli olar, ruzisi artar”.

Sədəqə vermək. Həzrət Peyğəmbər (s) buyurur: “Sədəqəni çox verin ki, Allah sizə ruzi versin”.

Ən üstün ruzi hansıdır?

Həzrət Peyğəmbər (s) buyurur: “Ən üstün ruzi odur ki, kifayət qədər olar”.

İmam Əli (ə) buyurur: “O kəs ki, kifayət qədərinə qane olar, rahatlığı əldə edər. Asan və xoş həyatdan bəhrələnər”.

İmam Sadiq (ə) buyurur: “İncildə deyilir ki, İsa (ə) buyurub: “Allahım! Səhər bir tikə arpa çörəyini və axşam bir tikə arpa çörəyini ruzim qərar ver və bundan artığını ruzim etmə ki, tüğyana düçar olaram””.

 

www.ahliman.info

Digər “Mənəviyyat ” Xəbərləri

Ustad Fatimi Niya: Allah bilir ki, anaya bir dəfə hirslənmək, insanı yüz il geriyə atır

Ustad Abdullah Fatimi Niya cavanlara tövsiyəsində buyurmuşdur:  Bildiyimiz kimi, cavanların gücü və qüvvəsi çox olur və böyük potensiala malik olurlar. Cavanlıq dövrünün... Davamı..

Müsəlmanı darıxdırıb biqərar edən şey nədir?

Həzrət Muhəmməd (s) buyurur: “Аllаh-tааlаnın öz bəndələrindən rаzılığının əlаməti, оnlаrın pаdşаhlаrının ədаlətliliyi və qiymətlərin ucuzluğudur. Аllаh tааlаnın bəndələrinə qəzəbinin nişаnəsi isə, оnlаrın... Davamı..

İmаm Səccаd (ə): “Sizlərdən Аllаhа ən yахını, böyük əхlаq sаhibi оlаnlаrdır”

Həzrət Muhəmməd (s) buyurub: “Аllаh buyurmuşdur: “Hеç bir bəndə, vаcib buyurduqlаrımdаn Mənimçün dаhа əziz оlаn bir vаsitə ilə Mənə yахınlаşmаdı. Həqiqətən о,... Davamı..

Bu gün islam dünyası Beynəlxalq Qüds Gününü qeyd edir

Bu gün bir çox islam ölkələri İsrail dövləti tərəfindən işğal edilmiş Fələstin torpaqlarının azad edilməsi üçün Beynəlxalq Qüds Gününü qeyd edir. Beynəlxalq... Davamı..

Mömin ruhların duasının həyatımıza təsiri

Alimlərdən biri, Əllamə Təbətəbainin qardaşı Seyid Məhəmməd Həsən İlahidən nəql edərək deyirdi ki, keçmiş alimlərdən birini “Fatihə” surəsi ilə yad edirdim. Bir... Davamı..

Mübarək Qədr gecələrində istiğfar namazı qılmağı unutmayın

Mərhum arif və əxlaq ustadı Həzrət Ayətullah Şahabadi (r.ə) dünyəvi və mənəvi problemləri olanlar üçün aşağıdakı “İstiğfar namazı”-nı tövsiyə etmişdir. Özünün dediyinə... Davamı..

Bu gün Muxtar Səqəfinin şəhadət günüdür

Ramazan ayının 14-ü Muxtar Səqəfinin şəhadəti günüdür.   İmam Əlinin (ə) şagirdlərindən olan Əsbəğ ibni Nəbatə nəql edir: “Bir gün Əmirəl-möminini (ə) gördüm... Davamı..

Ayətullah Yəzdi: “Gənclər şöhrət ardınca gəzərkən ağıl və düşüncəyə müraciət etmir”

Ayətullah Məhəmmədtəqi Misbah Yəzdi buyurur: Bəziləri şan-şöhrətə çatmaq, ictimai məqam əldə etmək üçün təqlid edir. Bəzilərinin sabit şəxsiyyəti yoxdur, cəmiyyətdə etibar qazanmamışlar.... Davamı..