Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
2 Aprel 11:04
Şərh Yoxdur
681

Bu gün İslamın əzəmətli xanımı Həzrət Zeynəbin (s.ə) vəfatı günüdür

İslamın əzəmətli qadınlarından və Kərbəla qəhrəmanı kimi məşhur olan Xanım Zeynəb (ə) hicrətin 5-ci ilində Cəmadiul-əvvəl ayının 5-də dünyaya göz açıb. Xanım Zeynəb (s.ə) yüksək əxlaqa, səbrə, əzəmətə, elmə və natiqliyə sahib bir xanım idi. Xanım Zeynəb, təkcə qadınlar arasında deyil, kişilər arasında da nümunəsi az-az tapılan qadın idi.

İlahi göstərişlə qoyulan ad – Zeynəb

Xanım Fatimə (s.ə) Zeynəbi (s.ə) dünyaya gətirəndə Peyğəmbər (s) Mədinədə yox idi. Ona görə də Xanım Fatimə (s.ə) İmam Əlidən (ə) uşağa ad qoymasını istədi. Əli (ə) isə bildirdi ki, Allahın Peyğəmbərinin (s) səfərdən dönməsini gözləsinlər və o Həzrət (s) hansı adı məsləhət bilsə, o adı da qoyacaqlar.

Üç gündən sonra Peyğəmbər (s) səfərdən döndü. İmam Əli (ə) mətləbi ona anlatdı. Və ondan uşağa ad qoymasını istədi. Peyğəmbər (s) bildirdi ki, Fatimənin övladları mənim övladlarım olsa da, onlar barəsində qərar vermək yalnız Allaha məxsusdur. Ona görə də mən İlahi vəhyi gözləməliyəm. Bundan sonra Cəbrail (ə) nazil olaraq bildirdi: “Ya Peyğəmbər, Allah buyurur ki, bu qızın adını Zeynəb qoyasan. Çünki bu adı Lövhi-Məhfuzda bu cür yazmışam”.

Bunu eşidən Peyğəmbər (s), təzə doğulan körpənin onun yanına gətirilməsini istədi. Uşağı qucağına alan Peyğəmbərimiz (s), onu öpərək buyurdu: “Ümmətin hal-hazırda mövcud olanlarına və gələcək nəsillərə vəsiyyət edirəm ki, bu qızın qədrini bilsinlər, ona hörmət etsinlər. Çünki o, Xədicəyi-Kubra kimidir”.

Bir qəlb, iki məhəbbət

Xanım Zeynəb (ə) hələ uşaq yaşlarından yüksək mərifətə sahib idi. Bir gün o, atası Əlidən (ə) soruşur: “Atacan, məni çox istəyirsən?”. İmam Əli (ə) cavab verir ki, bəli, qızım, çox istəyirəm. Bu cavabdan sonra Xanım Zeynəb (ə) buyurur: “İki məhəbbət- Allaha və övladlara qarşı duyulan məhəbbət bir qəlbə sığa bilməz. Ona görə də, əslində, xalis və həqiqi məhəbbət Allaha məxsusdur. Şəfqət, ürəyi yanma və rəğbət isə övladlara məxsusdur. Və övladlara qarşı duyulan məhəbbət özü də Allaha xatir olur”.

“Müsibətlər anası”

Heç şübhəsiz ki, Xanımın həyatının ən çətin və ən dəyərli anları Kərbəla müsibətində – qardaşı İmam Hüseynin (ə) qafiləsində olmasıdır. Buna görə də Xanımı “müsibətlər anası” adlandırırlar. Dağlar böyüklüyündə dərd gəlir, qəm gəlir, amma Xanım Zeynəb (s.ə) səbir edir. İmam Hüseyni (ə), Həzrət Abbası (ə) şəhadətə yetirirlər, amma o Xanım (s.ə) səbir edir.

Bu azmış kimi, iki oğlunu da şəhadətə göndərir. Amma təmkinini itirmir.

Buna görə də birmənalı olaraq, Kərbəla hadisəsini tədqiq edənlər bildirirlər ki, İmam Hüseynin (ə) vəzifəsi Kərbəlaya qədər idi, ondan sonra isə heç də daha az məsuliyyətli olmayan bu məşum hadisəni yaşatmaq vəzifəsi gəlirdi. Bunu da Xanım Zeynəb (s.ə) və İmam Səccad (ə) ən kamil şəkildə yerinə yetirdilər.

Məhrumiyyətlər içində ibadət

İmam Səccad bibisi Zeynəb (s.ə) barəsində bildirir: “Kərbəlada bütün o müsibətlərə baxmayaraq, bibim Zeynəb hətta öz müstəhəb namazlarını da qılırdı, münacatlarını edirdi. Bütün bu məhrumiyyətlər, səfər yorğunluğu və yetimlərə nəvaziş onu bir an da Allahdan uzaq salmırdı”.

Bundan əlavə, Kərbəla qəhrəmanının ibadətindən xəbərdar olan Seyyiduş-Şühəda İmam Hüseyn (ə) Xanıma buyurmuşdu: “Əziz bacım, qıldığın gecə namazlarında mənə dua etməyi unutma”.

 

Xanım Zeynəb (s.ə) hicrətin 62-ci ilində rəcəb ayının 15-də Suriyanın Şam şəhərində dünyadan köçmüşdür.//Deyerler.org

 

www.ahliman.info

Digər “Əhli-Beyt ” Xəbərləri

Həzrət Həsəndən (ә) həyatınızı dəyişəcək kəlamlar

“Dünyаnın müsibәtlәri dörd şеydәdir: Аtаnın ölümü, övlаdın ölümü, qаrdаşın ölümü vә хаnımın ölümü. Аtаnın ölümü bеli sındırаr. Övlаdın ölümü qәlbi аğrıdаr. Qаrdаşın... Davamı..

İmam Hüseyn (ə): Yа Məhәmmәd (s)! Bu gün sәnin vәfаt müsibәtin bir dаhа tәkrаr оldu

İbn Аbbаs dеyir: Hәzrәt Zәhrа (s.ə.) vәfаt еdәndә Әli (ә) mәsciddә idi vә Hәsәn vә Hüsеyn (ә) dа еvdә yох idilәr. Еvdә... Davamı..

Еy Fаtimә! Аllаh sәnә zülm еdәnlәri öz rәhmәtindәn uzаq еtsin!

Bәşşаr Mәkаri, İmаm Sаdiqə (ә) bir hаdisә nәql еtdi: Yоldа hökumәt mәmurunun bir qаdının bаşınа vurаrаq, zindаnа аpаrdığını gördüm. Qаdın ucа sәslә... Davamı..

Xanım Fatimeyi-Zəhranın (s.ə) kəraməti

Hәzrәt Аyәtullаh üzmа Hаcı Sеyid Mәhәmmәd Hаdi Milаninin (r) mәrcәiyyәt dövründә bir nеçә хаrici vәtәndаş оnunlа görüşüb dеdilәr: “Biz dә istәyirik ki,... Davamı..

Hәzrәt Zәhrаnın (s.ə) əvvəl kimləri dua edərdi?

İmаm Hәsәn (ә) buyurub: Cümә ахşаmı idi. Аnаm gеcә nаmаzı qılırdı vә yаlnız qоnşulаrа duа еdirdi. Nаmаzdаn sоnrа оndаn sоruşdum ki, niyә... Davamı..

Peyğəmbərin (s), “nеcәsiniz” sualına İmam Əli (ə) belə cavab verdi

Bir gün Pеyğәmbәr (s) Әlidən (ә) sоruşdu: “Nеcәsiniz?” Әli (ә) әrz еtdi: “Mәnim hаlım sәkkiz tәlәbkаrı оlаn şәхs kimidir. Аllаh-tәаlа mәndәn vаciblәri... Davamı..

İmam Mehdinin (ə.f) sərdabədən qeybə çəkilməsi və sərdabədən zühur etməsi iftiradır

Samirədə İmam Hadi və İmam Həsən Əsgərinin (ə) müqəddəs məqbərəsi yanında bir sərdabə vardır. Bu sərdabə üç imamın – İmam Hadi, İmam... Davamı..

Həzrət Zəhranın (s.ə) sevgisi insana 7 yerdə xüsusi bəhrə verər

Həzrət Peyğəmbər (s) buyurur: “Ey Salman! Fatiməni (s.ə) sevmək yüz yerdə insanın halına faydalı olar ki, onların ən rahat olanları ibarətdir:  ... Davamı..