Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
29 Dekabr 16:45
Şərh Yoxdur
1387

Peyğəmbərimiz (s) bizə təmizlik, ətirlənmək, dişlərə qulluq etməkdə nə kimi sünnət qoymuşdur?

Həzrət Peyğəmbər (s) bütün bəşər üçün bir örnək və nümunədir. Həmçinin Həzrətin (s)  bəzənmək və gözəlliyə diqqət etməsi də onun sünnətindən götürməli olan örnəklərdəndir.

Əgər Həzrətin (s) həyat tərzinə diqqət etsək, görərik ki, insan cəmiyyət içinə çıxan zaman nələrə diqqət etməli və necə olmalıdır.

Həzrətin (s) təmizliyi və pakizəliyi.

Hər kəs bilir ki, gözəlliyin ilk addımı – təmizlik və nəzafətdir. Həzrət Peyğəmbər (s) buyurur: “Pakizəlik – imanın bir hissəsidir”.

Həzrət (s) başqa yerdə buyurur: “Allah Təala çirkli və səliqəsiz şəxsi düşmən bilir”.

Ona görə də hər kim özünü Peyğəmbərin (s) davamçısı hesab edirsə və onun yolu ilə getmək istəyirsə, gərək ilk addımda təmizliyinə diqqət etsin.

Həzrət (s) başının tüklərini sədr ağacının yarpaqları ilə yuyardı və üzərinə bönövşə yağı çəkərdi. Adəti belə idi ki, aynaya baxar və saçlarını nizama salardı. Bəzən də bu işi suya baxaraq edərdi. (Tebyan/Deyerler)

Dişlərin təmizliyi də Həzrətin (s) sünnətindəndir. O, həmişə yatmazdan əvvəl misvak edərdi və yatan zaman misvakı yatağının yanına qoyardı.

Yuxuda ayılan zaman ilk gördüyü iş – misvak etmək olardı.

Həzrət (s) hər cümə günü dırnaqlarını tutar və saqqalının tüklərini sahmana salardı. O, kişilərə tövsiyə edərdi ki, dırnaqlarını tutsunlar. Qadınlara isə icazə verərdi ki, zinət üçün dırnaqlarını bir qədər saxlasınlar. Qadınlara icazə verərdi ki, saçlarını boya ilə boyasınlar. Ərli qadınlara tövsiyə verərək, buyurardı: “Özünüzü rənglə ərləriniz üçün bəzəyin”. Ərsiz qadınlara buyurardı ki, əllərinə xına yaxsınlar ki, əlləri kişi əlinə oxşamasın.

Ətirdən istifadə etməsi.

Əgər Peyğəmbərin (s) həyat tərzinə nəzər salsaq ,görərik ki, Həzrətin (s) ətir üçün xərclədiyi pul, yeməyi üçün xərclədiyindən daha çoxdur.

Həzrət (s) həmişə ətirdən istifadə edərdi. Nə zaman bir yol ilə getsə idi, ondan sonra ətri uzun müddət qalardı. Həzrət (s) ətirlə bağlı buyurur: “Qadın ətirləri gərək xoş rəng və mülayim iyli olsun. Kişi ətirləri isə gərək rəngsiz və tünd iyli olsun”.

Bir gün bir nəfər Peyğəmbərin (s) evinə gəlir və Həzrət (s) həmişəki qaydası ilə özünə aynada baxır və üzünü, saçlarını sahmana salır.

Aişə Həzrətə deyir: “Ey Rəsulallah! Sən Adəm övladlarının ən üstünü və Allahın peyğəmbərisən. (Niyə) Su qabının qarşısında dayanırsan və saçının, üzünün tüklərini səliqəyə salırsan?”. Həzrət (s) buyurur: “Ey Aişə! Allah sevir ki, nə zaman bəndəsi qardaşını görmək üçün evindən çıxar, özünü bəzəsin və səliqəyə salsın”.

Həzrət Peyğəmbər (s) buyurur: “Allah gözəldir və gözəlliyi sevir. İstəyir ki, bu nemətin təsirini Öz bəndəsində görsün”.

Bəli, gözəllik həmin bu yoldur ki, Peyğəmbər (s) bizlərə öz həyat tərzi ilə öyrətmişdir və necə də yaxşı olardı ki, mömin bəndələr bu yoldan xaric olmasınlar.

 

www.ahliman.info

Bir Şərh Yazın

Digər “Əhli-Beyt ” Xəbərləri

Bu gün islam peyğəmbəri Həzrət Məhəmmədin (s) vəfatı, İmam Həsənin (ə.s) şəhadət günüdür

Bu gün hicri-qəməri tarixi ilə Səfər ayının 28-i, İslam peyğəmbəri həzrət Məhəmmədin (s) vəfatının ildönümü və O həzrətin əziz nəvəsi İmam Həsənin (ə.s) şəhadət... Davamı..

Həzrət Əli (ə) İmam Zaman ağanın (ə.f) zühurundan əvvəlki vəziyyətin əlamətləri barədə buyurmuşdur…

İmam Əli (ə) “Nəhcul-bəlağə”də İmam Zaman ağanın (ə.f) zühurundan əvvəlki vəziyyətə işarə edən kəlamlar bəyan etmişdir ki, onlarla tanış olaq.   Həzrət Əli (ə) 150-ci xütbədə... Davamı..

İmam Mehdi (ə.f) üçün hansı məkanda dua etmək tövsiyə edilib?

Nəql olunan hədislərə əsasən, bəzi müqəddəs məkanlarda İmam Mehdi (ə.f)  üçün dua oxumaq xüsusi olaraq təkidlə tövsiyə edilmışdir. O cümlədən, Məscidül-həram (Məkkə), Kufə... Davamı..

İmam Əlinin (ə) kəramətinin nümayişinə 70 nəfərdən yalnız biri dözdü

İmam Baqir (ə) buyurur: “Bir gün Əli ibn Əbutalib (ə) səhabələrinin arasında idi və onlardan biri dedi: “Ya Əmirəl-möminin! Əgər mümkündürsə bizə... Davamı..

Günahı tərk etmək üçün İmam Hüseynin (ə) 5 tövsiyəsi

İmam Hüseyn (ə) də başqa İmamlar (ə) kimi, dövrünün yolunu azmışlarını hidayət edir və günahkarlarını günahlarını tərk etməyə vadar edirdi. Günahkarların tövbəsini qəbul edir və onları səadətə tərəf... Davamı..

İmam Zaman (ə.f) hökümətinin məmurları kimlər olacaqlar?

İmam Mehdinin (ə.f) quracağı dövlətin başında bizim tarixdən artıq tanıdığımız məhşur şəxlər dayanacaqdır. Onlar həzrət İsa (ə), Kəhf mağarasının yeddi sakini, Musa... Davamı..

İmam Hüseyndən (ə) gözəl hədislər

Bu yazımızda, əziz oxucularımıza imam Hüseynin (ə) hədislərindən bir neçəsini təqdim edirik:   ”Salamın 70 savabı var. Bunun 69 hissəsi salam verənə, bir... Davamı..

Həzrət Zəhranın (s.ə) İmam Əliyə (ə) vəsiyyət etdiyi 8 məqam

Həzrət Zəhranın (s.ə) bizə gəlib çatan vəsiyyətində 8 mühüm nöqtəyə işarə edilmişdir ki, onlara nəzər salaq: 1. İmam Baqir (ə) buyurur: “Anam Fatimə (s.ə)... Davamı..