Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
13 Dekabr 17:21
Şərh Yoxdur
7601

Quranın dörddə biri olan “Kafirun” surəsi

“Kafirun” surəsi Quranın kiçik surələrindəndir ki, Məkkədə nazil olmuşdur. Tarixdə oxuyuruq ki, o zaman Peyğəmbərin (s) dəvəti ciddi olur, Qureyş istehza etməyə başlayır. Ancaq sonradan Həzrətlə (s) sözləşməyə əyləşir. Deyirlər ki, gəl bu işdən əl çək və qalan işi bizə burax. Sənə dünya nemətlərindən hər nə istəsən, verərik. Mal, sərvət, vəzifə – hər nə istəsən sənə verərik. Həzrət Rəsul (s) da vasitəçilik edən Həzrət Əbu Talibə buyurur: “Əgər günəşi sağ əlimə və Ayı sol əlimə versələr, mən bu dəvətdən əl çəkmərəm”. (Tebyan/Deyerler)

Qureyş görür ki, məsələ bu cür həll olmayacaqdır. Başqa yola əl atırlar. Deyirlər ki, gəl bir neçə il biz sənin Allahına pərəstiş edək və bir neçə il də sən bizim bütlərimizə. Əgər sən düz deyirsənsə, biz həmin xeyirə çatarıq, əgər biz düz deyiriksə, sən bizimlə şərik olarsan. Həzrət (s) buyurdu: “Bu, olan şey deyildir”.

Üçüncü mərhələdə bir qədər də geri çəkildilər və dedilər: “Sən gəl bir dəfə bizim bütlərə əl vur və biz də dualarımızı edək. Sadəcə mərasimlərdə bizimlə bir yerdə ol”. Həzrət (s) təbii ki, qəbul etmədi.

Bu surə nazil olub, hər şeyi açıqladı. “(Ya Peyğəmbər!) De: «Ey kafirlər (ey Məkkə müşrikləri və bütpərəstləri), Mən sizin ibadət etdiyiniz şeyə əsla ibadət etmərəm. Və nə də siz əsla mənim ibadət etdiyimə ibadət edənsiniz, Və nə də mən əsla sizin ibadət etdiyinizə ibadət edənəm. Və nə də siz əsla mənim ibadət etdiyimə ibadət edənsiniz. Sizin dininiz sizə məxsusdur, mənim dinim də mənə məxsusdur (hələ ki, cihad hökmü gələnədək döyüş tərk olunmuşdur)»”.

Hədislərin birində oxuyuruq ki, hər kim yatmazdan əvvəl bu surə ilə “Tövhid” surəsini oxuyarsa, şirk onun ətəyindən yapışmaz.

Başqa bir hədisdə oxuyuruq ki, Həzrət Peyğəmbər (s) buyurub: “Bu surə – Quranın dördə biridir. Halbuki “Tövhid” surəsi Quranın üçdə biridir. Əgər insan onu üç dəfə oxuyarsa, bir Quran xətm etmiş kimi olar”.

İmam Sadiq (ə) buyurur: “Əgər kimsə “Kafirun” və “Tövhid” surəsini vacib namazında oxuyarsa, Allah Təala onu, ata və anasını və nəslini bağışlayar. Əgər batində bədbəxt olsa, Allah onun adını bədbəxtlərin divanında məhv edər, səadət əhlinin divanına yazar”.

İnsan əgər keçmişdəki giriftarlıqlarından nicat tapmaq istəyirsə, bu surəyə təvəssül etsin.

 

 

www.ahliman.info

Digər “Qurani Kərim ” Xəbərləri

Allah-təala özünü Qurani-kərimdə göstərmişdir

İmam Sadiqdən (ə) elə bir kəlam vardır ki, əgər onun dərinliyinə diqqət yetirə bilsək, lərzəyə düşərik! Həzrət buyurur: “Həqiqətən də Allah-təala bəndələrə... Davamı..

Qurani Kərimdə Əba Əbdillahın (ə) surəsi: Kim bu surəni oxuyarsa…

“Fəcr” surəsi Quranın 89-cu surəsidir, Məkkidir (Məkkədə nazil olub) və 30 ayəsi vardır. İmam Sadiq (ə) buyurur: ““Fəcr” surəsini vacib və müstəhəb... Davamı..

Gözdəymədən qoruyar, ruzini artırar – “Qul” ilə başlayan 4 surənin bərəkətləri

Əziz Peyğəmbərimiz (s) və İmamlarımız (ə) bizə “Qul” ilə başlayan 4 surəni hər gün oxumağı tövsiyə edirlər və bu surələr ibarətdir: “Kafirun”,... Davamı..

Quranın bəzi surələrinin oxunuşunun savabı (2-ci hissə)

1-“Məariç” surəsi: Bu surəni oxumaq insanı Şeytanın şərrindən qoruyub saxlayır.   2-“Nuh” surəsi: Həzrət Peyğəmbəri-Əkrəm (s) buyurmuşdur: “Hər kəs “Nuh” surəsini oxuyub,... Davamı..

Quranın bəzi surələrinin oxunuşunun savabı (1-ci hissə)

1-“Fatihə” surəsi: Həzrət Peyğəmbəri-Əkrəm (s) buyurmuşdur: “Hər kəs “Fatihə” surəsini oxusa, Allah-taala ona nazil olmuş bütün ayələrin tilavətinin savabını verər.” ( “Təfsiri... Davamı..

Bu surəni 1 dəfə oxumaq, Quranı 10 dəfə xətm etmək kimidir

Bəşər həyatı çətinliklərlə doludur. İnsan bu çətinlikdən çıxmağın yollarını axtarır. Bu yolda mənəviyyata üz tutanlar, həmin çətinliklərdən xilas ola bilirlər. Qurani-Kərim –... Davamı..

Qurani-Kərimin hansı surələri İmam Zaman ağa (ə.f) haqqındadır?

Qurani-Kərimdə İmam Zaman ağanın (ə.f) birbaşa adı çəkilmiş ayə mövcud deyildir. Ancaq bəzi ayələr vardır ki, İmam Zaman ağaya (ə.f) nisbət verilir.... Davamı..

Quranı üzündən oxumaq kifayət edirmi?

Qurani-Kərim – Allah Təalanın kəlamıdır. Hər kim ərəb dilini bilməsə də belə, ona qulaq assa və ya üzündən oxusa – böyük savaba... Davamı..