Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
13 İyun 19:40
Şərh Yoxdur
2389

Həqiqi oruc tutmaq üçün nə etməli?

Oruc tutmaq ancaq ac və susuz qalmaq demək deyildir. oruc tutan insan mənəvi və zahiri əməllərinə diqqət etməli və təqvalı olmağa çalışmalıdır. Bu zaman oruc bizi cəhənnəm atəşindən qoruya bilər. Oruc tutan insan həm dilinə, həm qulağına və həm də gözünə hakim olmalıdır. Bəzən oruc ancaq mədə orucu olur və yəni insan oruc olsa da, Allahın bəyənmədiyi işləri görər. (Erfan/Deyerler)

Həzrət Peyğəmbər (s) buyurur: “O qədər oruc tutan var ki, oruclarından aclıq və susuzluqdan başqa heç nə nəsibi olmaz”.

Həzrət (s) başqa yerdə buyurur: “Oruc əmanətdir və hər birinizə vacibdir ki, əmanətdar olasınız”.

Həzrət Peyğəmbər (s) mübarək əlini qulağına və gözünə qoyub buyurur: “Qulaq əmanətdir, göz əmanətdir. Yəni oruc zamanı qulaq o şeyə ki, Allaha qarşıdır, gərək bağlansın və göz Allahın qəzəbinə səbəb olan şeylərə nəzərini aşağı salsın”.

Hər birimiz bu mübarək Ramazan ayının qonaqlığına dəvət olunmuşuq. Hər kim bu süfrədə əyləşərsə, Allahın kərəmindən bəhrələnər və behiştin yolunu görər. Böyük əcr və mükafata çatar. Əgər insan sadəcə ac və susuz olarsa, məhsulu da aclıq və susuzluq olar.

Həzrət Peyğəmbər (s) səhabələrinə buyurur: “Sizə elə bir şeyi xəbər verim ki, əgər onu yerinə yetirsəniz, şeytan sizdən şərq və qərbin fasiləsi qədər uzaqlaşar?”. Deyirlər: “Bəli”. Həzrət (s) buyurur: “Oruc (şeytanın) – simasını qara edər, sədəqə – belini sındırar, Allah yolunda dostluq və saleh əməllə kömək etmək – köklərini qət edər. İsitğfar – damarlarını ayırar. Hər şeyin zəkatı vardır və bədənin zəkatı orucdur”.

Həzrət Peyğəmbər (s) buyurur: “Oruc tutan Allahın ibadətindədir. Baxmayaraq ki, yatağında yatsa belə. Ancaq o zamana qədər ki, müsəlmanın qeybətini etməz”.

İmam Sadiq (ə) buyurur: “Hər kim isti günlərdə oruc tutar və şiddətli susuzluğa düçar olar, Allah min mələyi ona məmur edər ki, üzünü sığallasınlar. Ona Haqqın inayətini müjdə versinlər. İftar edən zaman Allah buyurar: “Nə qədər iyi və ruhu pakizədir. Ey mələklər! Şahid olun ki, Mən onu bağışladım””.

İmam Sadiq (ə) buyurur: “Oruc tutan insan üçün iki sevinc vardır: biri iftar zamanı və biri isə Allah Təala ilə görüşən zaman”.

İmam Əli (ə) zərbətlənən zaman vəsiyyət edir və buyurur: “Sənə orucu vəsiyyət edirəm, çünki oruc – bədənin zəkatıdır. Əhli üçün hadisələrdən qalxandır”.

Həzrət Peyğəmbər (s) buyurub ki, Allah Təala buyurub: “Adəm övladının bütün əməli özü üçündür, orucdan başqa ki, o, Mənim üçündür. Mən ona mükafat verərəm. Oruc – mömin bəndənin Qiyamət günü atəşdən qalxanıdır. Oruc tutanın ağız iyi Allah Təala yanında müşk iyindən də ətirlidir. Oruc tutan iki halda sevinər: iftar zamanı ki, yeyər və içər. Və o zaman ki, Mənim görüşümə nail olar, onu behiştə daxil edərəm”.

Həzrət Peyğəmbər (s) buyurur: “Dörd nəfər vardır ki, onların duası geri qayıtmaz. Səmanın qapıları duaları üçün açılar və ərşə qədər gedər. Atanın övladına görə etdiyi dua, məzlumun ona zülm edənə görə etdiyi duası, ümrə edənin duası o zamana qədər ki, qayıdar, oruc tutanın duası o zamana qədər ki, iftar edər”.

Allah Təala bizləri həqiqi oruc tutanlardan qərar versin.

 

www.ahliman.info

Digər “Mənəviyyat ” Xəbərləri

Ustad Fatimi Niya: Allah bilir ki, anaya bir dəfə hirslənmək, insanı yüz il geriyə atır

Ustad Abdullah Fatimi Niya cavanlara tövsiyəsində buyurmuşdur:  Bildiyimiz kimi, cavanların gücü və qüvvəsi çox olur və böyük potensiala malik olurlar. Cavanlıq dövrünün... Davamı..

Müsəlmanı darıxdırıb biqərar edən şey nədir?

Həzrət Muhəmməd (s) buyurur: “Аllаh-tааlаnın öz bəndələrindən rаzılığının əlаməti, оnlаrın pаdşаhlаrının ədаlətliliyi və qiymətlərin ucuzluğudur. Аllаh tааlаnın bəndələrinə qəzəbinin nişаnəsi isə, оnlаrın... Davamı..

İmаm Səccаd (ə): “Sizlərdən Аllаhа ən yахını, böyük əхlаq sаhibi оlаnlаrdır”

Həzrət Muhəmməd (s) buyurub: “Аllаh buyurmuşdur: “Hеç bir bəndə, vаcib buyurduqlаrımdаn Mənimçün dаhа əziz оlаn bir vаsitə ilə Mənə yахınlаşmаdı. Həqiqətən о,... Davamı..

Bu gün islam dünyası Beynəlxalq Qüds Gününü qeyd edir

Bu gün bir çox islam ölkələri İsrail dövləti tərəfindən işğal edilmiş Fələstin torpaqlarının azad edilməsi üçün Beynəlxalq Qüds Gününü qeyd edir. Beynəlxalq... Davamı..

Mömin ruhların duasının həyatımıza təsiri

Alimlərdən biri, Əllamə Təbətəbainin qardaşı Seyid Məhəmməd Həsən İlahidən nəql edərək deyirdi ki, keçmiş alimlərdən birini “Fatihə” surəsi ilə yad edirdim. Bir... Davamı..

Mübarək Qədr gecələrində istiğfar namazı qılmağı unutmayın

Mərhum arif və əxlaq ustadı Həzrət Ayətullah Şahabadi (r.ə) dünyəvi və mənəvi problemləri olanlar üçün aşağıdakı “İstiğfar namazı”-nı tövsiyə etmişdir. Özünün dediyinə... Davamı..

Bu gün Muxtar Səqəfinin şəhadət günüdür

Ramazan ayının 14-ü Muxtar Səqəfinin şəhadəti günüdür.   İmam Əlinin (ə) şagirdlərindən olan Əsbəğ ibni Nəbatə nəql edir: “Bir gün Əmirəl-möminini (ə) gördüm... Davamı..

Ayətullah Yəzdi: “Gənclər şöhrət ardınca gəzərkən ağıl və düşüncəyə müraciət etmir”

Ayətullah Məhəmmədtəqi Misbah Yəzdi buyurur: Bəziləri şan-şöhrətə çatmaq, ictimai məqam əldə etmək üçün təqlid edir. Bəzilərinin sabit şəxsiyyəti yoxdur, cəmiyyətdə etibar qazanmamışlar.... Davamı..