Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
26 May 12:03
Şərh Yoxdur
1469

Hələ bu dünyada olan zaman behişt müjdəsini alanlar

Qurani-Kərim bəzi insanlara hələ bu dünyada olan zaman behişt müjdəsini vermişdir. O cümlədən:

1. İmanda başqalarını qabaqlayanlar. “(Üçüncü dəstə, imanda) öncül (təqvada) qabaqcıllar! Onlar (Allahın dərgahına) yaxın olanlardır. (Onlar) nemət dolu cənnət və bağlarda olacaqlar”. (“Vaqiə” 10-12).

 

2. Saleh əməl əhli. “İman gətirən və yaxşı işlər görən kəslər Rəbbinin iznilə əbədi qalacaqları (və evlərinin və ağaclarının) altından çaylar axan cənnətlərə daxil edilərlər”. (“İbrahim” 23).

 

3. Muqərribinlər. “Beləliklə, əgər (can verən həmin şəxs) (Allahın dərgahına) yaxınlardan olsa, onda (onun üçün) asayiş, pak ruzi və nemət dolu cənnət vardır”. (“Vaqiə” 88-89).

 

4. Yaxşı əməl sahibləri. “Yaxşı işlər görən və yaxşılıq edənlər üçün (nəzərdə tutulmuş) gözəl mükafat və (lütf yolu ilə olan əlavə) artıq (mükafat) vardır”. (“Yunus” 26).

 

5. Təqva əhli. “Təqvalılara vəd edilmiş cənnətin vəsfi belədir: Onun (evlərinin və ağaclarının) altından daim çaylar axır, onun bol meyvəsi, yeməkləri və ruzisi daimi, kölgəsi həmişəlikdir”. (“Rəd” 35).

 

6. Şəhidlər. ”Həqiqətən Allah möminlərin canlarını və mallarını onlardan cənnətin onların olması bahasına alıb”. (“Tövbə” 111).

 

7. Səadət əhli. “Xoşbəxt olanlara gəldikdə, onlar cənnətdədirlər”. (“Hud” 108).

 

8. Həqiqi namazqılanlar. “O kəslər ki, namazlarını (namazı kamil şəkildə qılmaq, vacib və müstəhəb hallarına və namazın şərtlərinə əməl etməklə) qoruyarlar. Məhz onlar (ali və xoşagələn) cənnətlərdə ehtiram olunacaq kimsələrdir”. (“Məaric” 34-35).

 

9. Səbir edənlər. “Və onları etdikləri səbir müqabilində (üstün bir) cənnətlə və (zərif) ipəklə mükafatlandıracaqdır”. (“İnsan” 12).

 

10. İtaət edənlər. “Kim Allaha və Onun Peyğəmbərinə itaət etsə, (Allah) onu (ev və ağaclarının) altından çaylar axan cənnətlərə daxil edər”. (“Fəth” 17).

 

11. İlahi xofu olanlar. “Amma kim öz Rəbbinin məqamından, Onun hüzurunda durmaqdan qorxub və nəfsini həvayi-həvəsdən saxlamışsa, şübhəsiz, onun yeri cənnətdir”. (“Naziat” 40-41).

 

12. İman əhli. “İman gətirən və yaxşı işlər görən kəslər Rəbbinin iznilə əbədi qalacaqları (və evlərinin və ağaclarının) altından çaylar axan cənnətlərə daxil edilərlər”. (“İbrahim” 23).

 

13. Yəmin əhli. «Əshabi-yəmin»dən (girovdan azad olmuş əməl dəftəri sağ əlinə verilmiş salehlərdən) başqa. Onlar cənnətlərdə və bağlar içində olarlar; bir-birlərindən soruşarlar”. (“Muddəssir” 40).

 

14. Tövbə edənlər. “Tövbə edən, iman gətirən və yaxşı işlər görən kəslər istisna olmaqla ki, onlar cənnətə daxil olacaq və heç bir zülm görməyəcəklər”. (“Məryəm” 60).

Bundan başqa, Quran açıq şəkildə bəzi insanların behiştə daxil olduqlarına zəmanət vermişdir. O cümlədən: Fironun həyat yoldaşı Asiya, Kəhf səhabələri, İmam Əli (ə) (“Vaqiə” 10-12), İmam Hüseyn (ə) (“Fəcr” 27-30).(Deyerler.org)

 

www.ahliman.info

Bir Şərh Yazın

Digər “Qurani Kərim ” Xəbərləri

Quranın bizə nümunə çəkdiyi “Ulul-əzm” kimlərdir?

Allah Təala Quranda “Peyğəmbərlərdən “Ulul-əzm” olanların səbr etdiyi kimi səbr et!” deyə buyurur.   Peyğəmbərlər Mütəal Allahın yer üzündə elçiləri, vəhy alıb... Davamı..

“Nas” və “Fələq” surələri nədən bəhs edir və nə zaman oxunmağı yaxşıdır?

Bəzi surələr vardır ki, onları hər gün oxumaq tövsiyə olunur. Bu surələrə “Nas” və Fələq” surələri də aiddir. “Nas” surəsi o təhlükələrdən... Davamı..

Həzrət Əli (ə) haqqında nazil olmuş Quran ayələri

“Ey iman gətirənlər, Allaha, Peyğəmbərə və özünüzdən olan ixtiyar sahiblərinə itaət edin”. 1. «Təbliğ» ayəsi: «Ya Peyğəmbər, Rəbbin tərəfindən sənə nazil olanı... Davamı..

Borcu qaytarmağa kömək edən surə – “Təhrim” surəsinin fəzilətləri

“Təhrim” surəsi Quranın 66-cı surəsidir ki, 12 ayəsi vardır. Həzrət Peyğəmbər (s) bu surə haqqında buyurur: “Hər kim “Təhrim” surəsini oxuyar, nəsuh tövbəsinə... Davamı..

Üzündən oxumaq hara, mənasına diqqət etmək hara?!

Almanın, armudun qabıqlarının özünəməxsus xasiyyətləri vardır. Ancaq heç birində almanın və ya armudun məğzinin, yəni içinin xasiyyəti yoxdur. Və əgər belə bir... Davamı..

Təhlükədən amanda qalmaq, itən şeyi tapmaq, Qiyamət günü şad gəlmək – “Əbəsə” surəsinin fəzilətləri

“Əbəsə” surəsi Quranın 80-cı surəsidir ki, Məkkədə nazil olmuşdur və 42 ayəsi vardır.   Həzrət Peyğəmbər (s) bu surə barəsində buyurur: “Hər kim... Davamı..

Yatmazdan qabaq “Qədr” surəsini oxumağın təsiri

Həzrət Peyğəmbərdən (s) belə bir hədis vardır ki, buyurur: “Hər kim yatan zaman “Qədr” surəsini 11 dəfə oxuyarsa, Allah Təala ona 11 mələyi... Davamı..

Qurani-Kərimdə müvəffəqiyyətə çatmağın rəmzi

Qurani-Kərim bizlərə insanlarla necə rabitə qurmağımızı və necə rəftar etməyimizi öyrədir. Bəzən ata və ana rabitəsindən, bəzən də cəmiyyət üçün örnək olan... Davamı..