Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
17 Noyabr 19:01
Şərh Yoxdur
2192

Əhli-Beytin (ə) işini dirçəltmək üçün müsəlman nə etməlidir?

İmam Rza (ə) buyurur: “Allahın rəhməti o kəslərə olsun ki, bizim işimizi dirçəldərlər”. Sual verirlər ki, bəs bunu necə etmək olar? Həzrət (ə) buyurur: “Elmimizi öyrənin və başqalarına öyrədin”.

Əhli-beytin (ə) işini dirçəltmək – həqiqətdə Allahın dinini dirçəltmək deməkdir. İmam Sadiqdən (ə) gələn hədisdə oxuyuruq: “Allah möminin haqqını əda etməkdən üstün bir şeylə ibadət olunmamışdır”. (Tebyan/Deyerler)

Əhli-beytin (ə) işini dirçəltmək – başqaları ilə rabitəyə təsir qoyan bir mövzudur. Belə deyildir ki, mən kənarda əyləşim və ancaq şəxsi namaz və orucumla məşğul olum.

Əhli-beytin (ə) işini dirçəltmək – Həzrət Fatimənin (ə) qapı arasında qalan zaman çəkdiyi fəryada cavab verməkdir.

Əhli-beytin (ə) işini dirçəltmək – Kərbəlada “Mənə yardım edən kimsə varmı?” – fəryadını çəkən Seyyidi-şühədanın (ə) səsinə səs verməkdir.

İslam dininin düşmənləri həmişə olmuş və olmaqdadırlar. Ona görə də onların səyini boşa çıxartmağın tək yolu – Əhli-beytin (ə) işini dirçəltməkdir.

İmam Sadiq (ə) buyurur: “Bu dirçəliş ancaq söz danışmaqla olası bir şey deyildir. Mütləq elm əmələ qarışmalıdır ki, Əhli-beyt (ə) məzhəbinin dirçəlməsi baş versin”. İmam (ə) buyurur: “Bizim dostlarımıza və əhli-vilayətimizə salam göndərin və onlara İlahi təqvanı və saleh əməli tövsiyə edin. Sağlam insanlar xəstələri ziyarətə getsinlər. Zənginlər yoxsulları ziyarət etsinlər və onlara yardım etsinlər. Dirilər ölülərin cənazə mərasimində hazır olsunlar. Bir-birinin evinə görüş üçün getsinlər. Bu, həmin bizim işimizi dirçəltməkdir”.

İmam (ə) başqa yerdə Xəsiməyə buyurur: “Bizim işimizi dirçəldən insana Allah rəhmət etsin. Ey Xəsimə! Onları agah et ki, saleh əməldən başqa onlardan bir şey istəmirik. Bizim vilayətimiz ancaq təvazökarlıqla əldə olunur. Qiyamət günü ən pis əzabı o kəslər görür ki, ədaləti şərh ediblər, ancaq özləri onun əksinə əməl ediblər”.

Məsumlarımız (ə) bizə onu demək istəyir ki, əgər Əhli-beyt (ə) məktəbi dirçələrsə, dinimizin gözəllikləri üzə çıxar və hər kəs dinin həqiqətləri ilə tanış ola bilər. Ona görə hər bir müsəlmanın vəzifəsidir ki, bu işdə addım atsın və səy göstərsin.

İmam Sadiq (ə) öz səhabələrinə buyurardı: “Allahdan çəkinin, bir-birinizə qarşı xoş rəftar olun və Allaha görə bir-birinizi sevin və bir-birinizlə təmasda olun, bir-birinizə mehr və məhəbbət göstərin və bir-birinizi görməyə gedin, görüşün. Bizim işimizi bir-birinizlə müzakirə edin və onu diri saxlayın”.

Beləliklə deyə bilərik ki, Əhli-beytin (ə) işini dirçəltmək o deməkdir ki, onların sözlərini, elmlərini, əməllərini öyrənək və sonra da öyrədək, təbliğ edək və Əhli-beyt (ə) maarifini başqalarına təlim verək.

 

www.ahliman.info

Digər “Əhli-Beyt ” Xəbərləri

Bu gün imam Həsənin (ə) mövlud günüdür

Üçüncü hicri ilinin Ramazan ayının 15-də Əmirəl-möminin (ə) evində ilk övlad dünyaya gözlərini açdı. Özü ilə bütün ev əhlinə şadlıq və sevinc... Davamı..

Bu gün sonuncu imam Həzrət Məhdinin (ə) mövlud günüdür

Bütün müsəlman məzhəbləri və firqələri qiyamət günü çatmamış İmam Mehdinin (ə) zühur edəcəyi və dünyanı ədalətlə təmin edəcəyini qəbul edir və buna... Davamı..

Bu gün bütün cavanlar üçün örnək olan Əli Əkbər ağanın (ə) təvəllüdüdür

Əli Əkbər ağa (ə) 33-cü hicri ilində şəban ayının 11-də dünyaya gəlmişdir. Peyğəmbərimizin (s) yeni dünyaya gələn övladlarla bağlı verdiyi mübarək buyuruşlara... Davamı..

Əllamə buyurur: “Bütün imamlar mərhəmətlidir, amma imam Rzanın mərhəməti hiss ediləndir”

Ustad Abdullah Fatimi Niya buyurur: Çox dəyərli Quran təfsiri  “Əl-Mizan” əsərinin müəllifi Əllamə Ayətullah Seyid Məhəmməd Hüseyn Təbatəbai İmam Rza (ə) barədə... Davamı..

Bu gün Məbəs günüdür. Məbəs gününün əməlləri

Bu gün vəhy mələyi Cəbrail-Əminin “İnnəkə Rəsulullah! Həqiqətən, sən Allahın Rəsulusan!“dediyi gündür. Bu əziz gündə Həzrət Cəbrayil (ə) Peyğəmbərə (s) nazil olaraq,... Davamı..

Bu gün İmam Museyi Kazimin (ə) şəhid edilən günüdür

Bu gün İmam Museyi Kazimin (ə) şəhadət günüdür. Müsəlmanların 7-ci imamı hicri-qəməri tarixi ilə 182-ci ildə rəcəb ayının 25-də Abbasi xəlifəsi Harunun... Davamı..

Həzrət Əli (ə) müsəlmanlara son tövhid vəsiyyətində bunları buyurmuşdur

Həzrət Əli (ə) zərbətləndikdən sonra İmam Həsən (ə) və İmam Hüseynə (ə), ümumilikdə isə bütün müsəlmanlara vəsiyyət edir. Həmin vəsiyyətin bir yerində... Davamı..

Bu gün İslamın əzəmətli xanımı Həzrət Zeynəbin (s.ə) vəfat günüdür

İslamın əzəmətli qadınlarından və Kərbəla qəhrəmanı kimi məşhur olan Xanım Zeynəb (ə) hicrətin 5-ci ilində Cəmadiul-əvvəl ayının 5-də dünyaya göz açıb. Xanım... Davamı..